मुंबई – बॉलिवूडचा मिस्टर परफेक्शनिस्ट ‘आमिर खान’ याचा आज वाढदिवस आहे. ‘होली’ या चित्रपटातून आमिरने चित्रपटसृष्टीत पाऊल टाकले. यावेळी तो अवघा 19 वर्षांचा होता.
यापूर्वी आमिरने 1973 मध्ये ‘यादों की बारात’ आणि 1974 मध्ये ‘मदहोश’ या चित्रपटात बालकलाकार म्हणून काम केले होते.
आमिर त्याच्या कोणत्याही चित्रपटातबाबत अत्यंत जागरुक असतो आणि प्रत्येक चित्रपटासाठी तो प्रचंड मेहनत घेतो. त्यामुळेच आमिरला बॉलिवूडमध्ये ‘मिस्टर परफेक्शनिस्ट’ म्ह्णून ओळखले जाते.
बॉलिवूडमध्ये लगान, रंग दे बसंती, तारे जमीं पर, दंगल, गजनी, थ्री इडियट्स या आमिरच्या चित्रपटांनी एक वेगळीच छाप सोडली आहे.