A.R.Rahman Divorce | देशातील प्रसिद्ध गायक-संगीतकार एआर रहमानने त्याच्या आयुष्यातील सर्वात मोठा निर्णय घेत सर्वांना आश्चर्यचकित केले आहे. ए आर रहमान आणि त्याची पत्नी सायरा बानो यांनी लग्नाच्या २९ वर्षांनंतर विभक्त होण्याचा निर्णय घेतला आहे. ए आर रहमानने ट्वीट करत घटस्फोट घेतल्याची माहिती चाहत्यांना दिली आहे. एआर रहमानच्या घटस्फोटाची बातमी ऐकून सर्वांनाच धक्का बसला.
वास्तविक या जोडप्याने एवढा मोठा निर्णय अचानक घेतलेला नाही. खूप दिवसांपासून त्यांचे संसार वाचवण्याचे प्रयत्न सुरू होते, पण जेव्हा काही व्यवस्थित झाले नाही तेव्हा दोघांनी वेगळे होण्याचा निर्णय घेतला आहे. याबाबात ट्वीट करत एआर रहमान यांनी लिहिले की, “आम्हाला वाटलं होतं की आम्ही ३० वर्ष पूर्ण करू. पण प्रत्येक गोष्टीला अंत असतो. तुटलेल्या हृदयाने देवाचं सिंहासनही थरथर कापू शकते. तरीदेखील यामध्येही आपण अर्थ शोधत राहतो. भले त्या हृदयाच्या तुटलेल्या तुकड्यांना त्यांची जागा परत मिळतही नसेल. या कठीण प्रसंगात आमच्या गोपनीयतेचा आदर केल्याबद्दल आमच्या मित्रपरिवाचे आभार मानतो.” A.R.Rahman Divorce |
“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…
— A.R.Rahman (@arrahman) November 19, 2024
एआर रेहमान आणि सायरा यांना खतिजा, रहीमा आणि अमीन अशी तीन अपत्य आहेत. आयुष्याच्या या कठीण काळात आणि निर्णयात तिघेही पालकांना साथ देत आहेत. त्याने वडिलांची पोस्ट इंस्टाग्रामवर पुन्हा शेअर केली आहे. खतिजा रहमानने इंस्टाग्राम स्टोरीवर लिहिले की, “आम्ही प्रत्येकाला विनंती करतो की या कठीण काळात आमच्या गोपनीयतेचा आदर करावा. समजून घेतल्याबद्दल धन्यवाद”. दरम्यान, एआर रहमान आणि सायरा यांचा विवाह 1995 मध्ये झाला होता. मात्र आता लग्नाच्या 29 वर्षानंतर त्या दोघांनी वेगळे होण्याचा निर्णय घेतला आहे. A.R.Rahman Divorce |
हेही वाचा:
हर्षवर्धन पाटील यांनी बावडा येथे सहकुटुंब बजावला मतदानाचा हक्क
