Lonavala Monkey Hill | लोणावळ्याजवळ असणाऱ्या मंकी हिल परिसरात मुंबई पुणे रेल्वे मार्गावरील रुळाजवळ एका गुलाबी रंगाच्या सूटकेसमध्ये मृतदेह आढळून आल्याने येथे मोठी खळबळ उडाली आहे. या सूटकेसमध्ये आढळून आलेला मृत्यदेह एका महिलेचा आहे. गुलाबी रंगाच्या सुटकेसमध्ये अशा पद्धतीने एका महिलेचा मृतदेह आढळून आल्याने परिसरात भीतीचे वादावरण निर्माण झाले आहे. या प्रकरणाचा तपास पोलीस करत असून नागरिकांना घाबरुन न जाण्याचे आवाहन पोलीस करत आहेत.
गुलाबी रंगाच्या सुटकेसची माहिती पोलिसांना कशी मिळाली?
मुंबईहून पुण्याकडे येणाऱ्या रेल्वे मार्गावर लोणावळ्याजवळील मंकी हिल पॅाइंटजवळ रेल्वेतील एका प्रवाशाला गुलाबी रंगाची सूटकेस दिसली. त्याने तात्काळ या विषयीची माहिती रेल्वे पोलिसांना दिली. याची माहिती मिळताच रेल्वे पोलिसांनी घटनास्थळी धाव घेतली. संबंधित ठिकाणी पोलिसांना गुलाबी रंगाची सुटकेस आढळून आली. या सुटकेसमध्ये एका महिलेचा मृतदेह आढळून आला. पोलिसांनी सुटकेस आणि मृतदेह ताब्यात घेतला असून, घटनास्थळी पंचनामा केल. पोलिसांकडून महिलेची ओळख पटविण्याचे काम सुरू आहे.
मृत महिलेचा मृतदेह शवविश्चेदनासाठी पाठण्यात आला आहे. पोलिसांकडून आजूबाजूच्या परिसरातील सीसीटीव्हीची तपासाणी केली जात आहे. मृतदेह हा सडलेल्या अवस्थेत असल्याने पोलिसांना खून झाल्याचा प्राथमिक संशय आहे. मात्र, शवविश्चेदनाचा अहवाल हाती आल्यानंतरच नेमकं मृत्यू कशामुळे झाला हे स्पष्ट होणार आहे. मात्र, महिलेचा मृतदेह गुलाबी रंगाच्या सूटकेसमध्ये सडलेल्या अवस्थेत आढळून आलेल्या याविषयी अनेक चर्चा होत आहेत.
