Pakistan – पाकिस्तानात क्वेटा रेल्वे स्टेशनवर मोठा स्फोट झाला. या भीषण स्फोटात आतापर्यंत 24 जणांचा मृत्यू झाला असून यापेक्षा अधिक संख्येने लोक जखमी झालेत. माहितीनुसार, मृतांचा आकडा वाढू शकतो. सर्व जखमींना जवळच्या रुग्णालयात दाखल करण्यात आले आहे. घटनेची चौकशी सुरु झाली आहे.
मिळालेल्या माहितीनुसार, क्वेटामध्ये दोन बॉम्बस्फोट झाले. एका स्फोटात चार जणांचा मृत्यू झाला. दुसऱ्या स्फोटात जवळपास 46 लोक जखमी झाले. हा बॉम्ब स्फोट कोणी केला? का केला? याची चौकशी सुरु आहे.
सध्या या स्फोटांची जबाबदारी कुठल्याही संघटनेने घेतलेली नाही. ज्यावेळी स्फोट झाला, त्यावेळी स्टेशन परिसरात मोठी गर्दी होती. कारण इथून एक पॅसेंजर ट्रेन जाणार होती आणि एक पॅसेंजर ट्रेन येणार होती.
स्फोटानंतर क्वेटा रेल्वे स्टेशनवर एकच गोंधळ झाला. धावपळ सुरु झाली. तिथे उपस्थित असलेल्या एका प्रत्यक्षदर्शीने सांगितले की, हा मोठा बॉम्ब स्फोट होता. माहितीनुसार, जाफर एक्सप्रेस भिंडीच्या दिशेने जात असताना हा बॉम्बस्फोट झाला.
पाकिस्तानात अनेक दहशतवादी गट सक्रीय आहेत. त्यामुळे बॉम्बस्फोट होत असतात त्यामुळे बॉम्बस्फोटाच्या घटनाही वारंवार घडताना दिसत आहे. काही दिवसांपूर्वी सुद्धा असाच बॉम्बस्फोट झाला होता.
पाकिस्तानच्या अशांत नॉर्थ वजीरिस्तानमध्ये झालेल्या बॉम्ब स्फोटात चार सुरक्षारक्षकांचा मृत्यू झाला होता. अनेक जण जखमी झालेले. त्याशिवाय खैबर पख्तूनख्वा येथे एका शाळेजवळ बॉम्बस्फोट झाला होता. या स्फोटात दोन लहान मुलांचा मृत्यू झालेला.
त्याआधी पाकिस्तानच्या अशांत बलूचिस्तान भागात एका शाळेजवळ बॉम्बस्फोट झाला होता. या स्फोटात पाच शाळकरी मुलांसह सात जणांचा मृत्यू झालेला. 22 जण जखमी झालेले. बाइकवर आयईडी लावून स्फोट करण्यात आला होता. या स्फोटानंतर क्वेटामध्ये सर्व रुग्णालयात इमर्जन्सी घोषित करण्यात आली आहे.
