सातारा – सातारा शहराच्या विकासाला नेहमीच प्राधान्य देऊन, सातत्याने कोट्यवधींचा निधी आणणाऱ्या आ. शिवेंद्रसिंहराजे भोसले यांच्या प्रयत्नांमधून शहरातील (हद्दवाढीसह) 38 विकासकामांसाठी नगरविकास विभागाच्या वैशिष्ट्यपूर्ण योजनेतून सहा कोटी 70 लाख रुपयांचा निधी मंजूर झाला आहे.
प्रभाग 2 मधील जवान हौसिंग सोसायटीत कॅनॉल ते कसाई गल्लीअखेर रस्ता (19 लाख), सैनिकनगर बसस्टॉप ते कोयना सोसायटी बसस्टॉपअखेर रस्ता (19 लाख), महेश कामठी घर ते युवराज पवार घर रस्ता आणि प्रभाग 18 मधील कामाठीपुऱ्यातील सावित्रीबाई फुले उद्यान सुशोभिकरण (16 लाख), अभयसिंहराजे भोसले कमान ते संत गाडगेमहाराज मठ ते मशीदअखेर रस्ता (दहा लाख), प्रभाग 1 जयमल्हार सोसायटी अंतर्गत रस्ते (दहा लाख), प्रभाग 3 पिरवाडीमधील अंतर्गत रस्ते (25 लाख), प्रभाग 22 मधील कॉंक्रीट रस्ते आणि प्रभाग 2 मधील नाना-नानी पार्कमध्ये व्यायामशाळेची खेळणी व हायमास्ट बसवणे (25 लाख), प्रभाग 19 मधील पॉवर हौस वेताळबाबा मठाजवळ कॅनॉल टाईप गटार व संरक्षक भिंत, कॉंक्रीट पायऱ्या (47 लाख), मंगळवार पेठेतील त्रिगुणे चौक ते सुयोग मंगल
कार्यालयअखेर रस्ता (15 लाख), शाहूनगरमधील साई कॉलनी, प्रतापसिंह कॉलनी येथील अजिंक्‍यतारा रस्ता ते घुले गिरणीअखेर रस्ता (दहा लाख), साई कॉलनीतील वसंत नलवडे घराजवळील अंतर्गत रस्ता (दहा लाख), प्रभाग 10 मधील शाहूपुरी चौक ते समता पार्कअखेर रस्ता (34 लाख), प्रभाग 21 मधील गुरुवार बागेची दर्शनी भिंत, मेन गेट सुशोभिकरण (13 लाख), प्रभाग 10 मधील छत्रपती शिवाजीनगर रस्ता आणि गटारे (28 लाख), देवी कॉलनीत खुल्या जागेचे सुशोभिकरण, ओपन जिमचे साहित्य बसवणे (15 लाख), गोडोलीतील जय शिवराय व्यायाम मंडळाच्या जिममध्ये नवीन साहित्य बसवणे (दहा लाख), प्रभाग 8 तामजाईनगरमध्ये बंदिस्त गटार आणि रस्ता (13 लाख) असा निधी मंजूर करण्यात आला आहे.
गुरुवार बाग ते भावे बोळ ते रेणुका माता मंदिर ते गुजर बोळ रस्ता (33 लाख), शनिवार पेठ अतार वाडा बोळ पूल (18 लाख), माची पेठेत पूल (14 लाख), एलआयसी कॉलनीत नाईक घर-जायले घर रस्ता (15 लाख), शाहूपुरीतील जयविजय हौसिंग सोसायटीच्या खुल्या जागेत बास्केटबॉल कोर्ट व वॉकिंग ट्रॅक (20 लाख), दौलतनगर शिल्प अपार्टमेंट ते कॅनॉलअखेर रस्ता (23 लाख), गुरुवार पेठेत सि. स. नं. 280 समाजमंदिराचा पहिला मजला (25 लाख), गडकर आळीत अभीचे दुकान ते धुमाळ आळी पूलअखेर रस्ता (34 लाख), भैरोबा पायथा संजय कुंभार घर ते पप्पू लेवे घरअखेर रस्ता व गटार (दहा लाख), बुधवार पेठेत प्रभाग 7 येथे कॉंक्रीट रस्ता व गटार (20 लाख), गोडोलीत रामराव पवारनगरात सामाजिक सभागृह (24 लाख), प्रभाग 17 विलासपूर गोळीबार मैदान भागात हायमास्ट दिवे (25 लाख), विलासपूरमध्ये बापूजी साळुंखेनगरातील ठोके घर ते बर्गे घर रस्ता आणि विभूते घर ते सचिन देशमुख घर रस्ता व गटार (17 लाख), गोळीबार मैदान येथील सप्ततारा कॉलनीत जगदाळे घर ते वीरकर घर रस्ता (15 लाख), गोळीबार मैदान अवी कॉलनीतील रस्ता (दहा लाख),
समर्थ मंदिर परिसर ढवळे घर ते फुटका तलावअखेर रस्ता (14 लाख), शाहूपुरीत श्रीराम कॉलनीच्या खुल्या जागेचे सुशोभिकरण (14 लाख), सोमवार पेठेत सि. स. नं. 138 येथे सभागृहाचे उर्वरित बांधकाम (20 लाख) असा निधी मंजूर करण्यात आला आहे.
या कामांच्या निविदा प्रक्रिया तातडीने राबवून, दर्जेदार कामे वेळेत पूर्ण करा, अशा सूचना आ. शिवेंद्रसिंहराजेंनी पालिकेच्या अधिकाऱ्यांना दिल्या आहेत.
