नवी दिल्ली – प्रवासी टॅक्सी सेवा देणाऱ्या उबेर कंपनीने नुकतीच 14 टक्के कर्मचारी कपात केली. झूप ऍपवर घेण्यात आलेल्या व्हिडीओ कॉलवर कर्मचाऱ्यांना ही माहिती देण्यात आली. साधारण 3 मिनिटभर चाललेल्या या कॉलनंतर 3500 कर्मचारी बेरोजगार झाले. उबर कस्टरमर कंपनीचे प्रमुख शेवॉलो यांनी झूम एपवरुन कर्मचाऱ्यांशी संवाद साधला आणि कर्मचाऱ्यांना कामावरुन कमी करत असल्याची माहिती दिली.
मंदीचे दिवस असून कर्मचाऱ्यांसाठी ठराविक काम आहे. यासोबतच कर्मचाऱ्यांचा आजचा कामाचा शेवटचा दिवस असल्याचे त्यांनी कॉलवर सांगितले. सध्या कंपनीचा व्यवसाय निम्म्यावर आल्याने कर्मचाऱ्यांचे पगार देणं शक्य नाही. उबेरला जानेवारी ते मार्च या तीन महिन्यात 2.9 अब्ज डॉलरचे नुकसान झाले. यानंतर कंपनीने हे पाऊल उचलले. विदेशातील कंपनीच्या गुंतवणुकीवर देखील वाईट परिणाम झाले आहेत. करोनाचे संकट संपूर्ण जगावर आहे. भारतातही याचे 85 हजाराहून अधिक रुग्ण असून हजारों मृत्यूमुखी पडली आहे.
देश ग्रीन, ऑरेंज आणि रेड अशा झोनमध्ये विभागण्यात आलाय. दरम्यान नव्या नियमानुसार ग्रीन आणि ऑरेंज झोनमध्ये उबेर सारख्या टॅक्सी प्रवासाला परवानगी देण्यात आली आहे. कोणत्याही प्रवाशाला चालकाच्या बाजुला बसण्याची परवानगी नसेल. सकाळी 10 ते संध्याकाळी 6 पर्यंत ही परवानगी देण्यात आली आहे. रेड झोनमध्ये अशी कोणतीही परवानगी देण्यात आली नाही.