KKR News : अजिंक्य रहाणेच्या नेतृत्वाखाली खेळणाऱ्या कोलकाता नाईट रायडर्स (केकेआर) संघाला (KKR News) आयपीएल २०२६ मध्ये अपेक्षित कामगिरी करता आलेली नाही.

तरीही संघ अद्याप प्लेऑफच्या शर्यतीत कायम आहे आणि पुढील काही सामने जिंकल्यास प्लेऑफमध्ये स्थान मिळवू शकतो. पण या निर्णायक टप्प्यात संघाला मोठा धक्का बसला आहे. न्यूझीलंडचा स्टार अष्टपैलू खेळाडू रचिन रवींद्र मायदेशी परतला आहे.

कोलकाता नाईट रायडर्सने (KKR News) अधिकृतपणे माहिती दिली की, रचिन रवींद्र आगामी इंग्लंडविरुद्धच्या कसोटी मालिकेच्या तयारीसाठी न्यूझीलंडला परतला आहे. २०२६ च्या आयपीएल लिलावात केकेआरने त्याला २ कोटी रुपयांना खरेदी केले होते. मात्र, या हंगामात त्याला एकही सामना खेळण्याची संधी मिळाली नाही.

रचिनला संधी का मिळाली नाही?
रचिन रवींद्र हा आक्रमक टॉप ऑर्डर फलंदाज असून, फिरकी गोलंदाजीही करतो. तरीही केकेआरने ऑस्ट्रेलियाचा अष्टपैलू खेळाडू कॅमेरून ग्रीनला सातत्याने प्राधान्य दिले. आयपीएल नियमांनुसार एका वेळी केवळ ४ विदेशी खेळाडूंना खेळवता येत असल्याने रचिनला संघात स्थान मिळाले नाही.

इंग्लंडविरुद्ध कसोटी मालिका
पहिला कसोटी : ४ ते ८ जून, लॉर्ड्स, लंडन
दुसरा कसोटी : १७ ते २१ जून, ओव्हल, लंडन
तिसरा कसोटी: २५ ते २९ जून, नॉटिंगहॅम

सध्याच्या वर्ल्ड टेस्ट चॅम्पियनशिप (डब्ल्यूटीसी) गुणतालिकेत न्यूझीलंड दुसऱ्या स्थानावर आहे. संघाने आतापर्यंत २ सामने जिंकले असून, १ सामना ड्रॉ राहिला आहे. रचिन रवींद्र हा न्यूझीलंडच्या कसोटी संघाचा प्रमुख फलंदाज आहे. झिम्बाब्वेविरुद्ध त्याने १६५ धावांची शतकी खेळी केली होती, तर वेस्ट इंडिजविरुद्ध त्याने १७६ धावांची दमदार खेळी केली होती. त्यामुळे इंग्लंडविरुद्धच्या मालिकेतही त्याच्याकडून मोठ्या कामगिरीची अपेक्षा आहे.

केकेआरची (KKR News) सध्याची आयपीएलमधील स्थिती
अजिंक्य रहाणेच्या नेतृत्वात केकेआर संघ सध्या प्लेऑफच्या शर्यतीत आहे. पुढील सामना गुजरात टायटन्सविरुद्ध आहे. रचिन रवींद्रच्या अनुपस्थितीमुळे संघाच्या मधल्या फळीला आणि फिरकी विभागाला थोडा फटका बसण्याची शक्यता आहे. तरीही संघ प्लेऑफसाठी लढा देत आहे.

रचिन रवींद्रच्या परतीमुळे न्यूझीलंड क्रिकेटला मजबूत फलंदाज मिळाला असला तरी, आयपीएल २०२६ मध्ये केकेआरला मोठी हानी झाली आहे. आता सर्वांच्या नजरा रहाणे आणि केकेआरच्या पुढील कामगिरीकडे लागल्या आहेत.