मौजमजेसाठी दुचाकी चोरणाऱ्यास अटक

पुणे, दि.29 – मौजमजेसाठी दुचाक्‍या चोरणाऱ्या एकाला भारती विद्यापीठ पोलिसांनी अटक केली. तर त्याच्या अल्पवयीन साथीदाराला ताब्यात घेण्यात आले आहे. या कारवाईत पोलिसांनी सहा दुचाकी जप्त केल्या आहेत.
योगेश नवनाथ वजाळे (20 , रा. लोणीकाळभोर) असे अटक केलेल्याचे नाव आहे. भारती विद्यापीठ पोलीस ठाण्याच्या हद्दीत उपनिरीक्षक दत्तात्रय मोहिते आणि तपास पथकातील कर्मचारी गस्त घालत होते. त्यावेळी दोघे जण चोरीच्या दुचाकीवरून दत्तनगर चौकाकडून जांभूळाडी रोड येथे गेले असल्याची माहिती तपास पथकातील पोलीस कर्मचारी उज्वल मोकाशी आणि शिवदत्त गायकवाड यांना मिळाली. त्यानुसार दोघांना एम एस ऑल व्हिव्ह सोसायटीसमोरून जाताना पकडण्यात आले.
नवनाथ वजाळे याच्याकडे केलेल्या चौकशीत त्याने मौजमजेसाठी दुचाक्‍या चोरत असून पेट्रोल संपल्यावर त्या टाकून देत असल्याची माहिती दिली. त्यांच्याकडून एक ऍक्‍टीव्हा, दोन पल्सर, एक स्प्लेंडर, एक आरवन फाईव्ह, एक पॅशन प्रो अशा सहा दुचाकी जप्त करण्यात आल्या आहेत. नवनाथ वजाळे याच्यावर यापूर्वी हडपसर, कोंढवा, यवत, लोणीकाळभोर, भारती विद्यापीठ पोलीस ठाण्यात गुन्हे दाखल आहेत.
परिमंडळ दोनचे उपायुक्त ज्योतिप्रिया सिंग, सहायक पोलीस आयुक्त डॉ. शिवाजी पवार यांच्या मार्गदर्शनाखाली भारती विद्यापीठ पोलीस ठाण्याचे वरिष्ठ पोलीस निरीक्षक विष्णु पवार, विष्णु ताम्हाणे (गुन्हे), उपनिरीक्षक दत्ताजीराव मोहिते, कर्मचारी उज्वल मोकाशी, शिवदत्त गायकवाड, प्रणव संकपाळ, गणेश चिंचकर, महेश मंडलीक, अभिजित रत्नपारखी, चंद्रकांत फडतरे, दिपक माने, कृष्णा निढाळकर, अमोल पवार, कुंदन शिंदे, सर्फराज देशमुख यांनी ही कारवाई केली.

-Ads-
दैनिक प्रभातचे फेसबुक पेज लाईक करा

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)