क्रिकेट स्पर्धा : सोलापूर, हेमंत पाटील स्पोर्टस अकादमीची विजयी सलामी

पाचवी आबेदा इनामदार ऑल इंडिया निमंत्रित महिला क्रिकेट स्पर्धा

पुणे  – सोलापूर जिल्हा क्रिकेट संघटना व हेमंत पाटील स्पोर्टस अकादमी संघांनी आपापल्या प्रतिस्पर्धी संघांना पराभूत करताना आझम कॅम्पस मैदानावर आजपासून सुरु झालेल्या पाचव्या आबेदा इनामदार ऑल इंडिया निमंत्रित महिला क्रिकेट स्पर्धेत विजयी सलामी दिली.

-Ads-
दैनिक प्रभातचे फेसबुक पेज लाईक करा

समृद्धी म्हात्रे व ऐश्वर्या गिरे यांच्या दमदार खेळाच्या जोरावर सोलापूर जिल्हा क्रिकेट संघाने राजस्थान संघाला पराभूत करताना स्पर्धेत विजयी सलामी दिली. राजस्थान संघाने प्रथम फलंदाजी करताना निर्धारित 20 षटकांत 6 बाद 138 धावा केल्या. राजस्थानच्या मनीषा सिंगने दमदार 80 धावांची नाबाद खेळी केली. तिला सोनिका सिंगने 18 धावा करताना सुरेख साथ दिली. सोलापूर संघाकडून अंजली चित्तेने 16 धावांत 3 गाडी बाद केले.

साक्षी बनसोडे व सीमा मलगुंडे यांनी प्रत्येकी एक गाडी बाद केला. सोलापूर जिल्हा क्रिकेट संघाने 18 षटकांत 1 बाद 139 धावा करताना विजयी साकारला. सोलापूर संघाकडून समृद्धी म्हात्रे व ऐश्वर्या म्हात्रे यांनी प्रत्येकी 53 धावांची खेळी केली. सोनिका सिंगने एक गडी बाद केला. सोलापूर संघाच्या ऐश्वर्या गिरेला सामनावीर घोषित करण्यात आले.

दुसऱ्या लढतीत हेमंत पाटील स्पोर्टस अकादमी संघाने पंजाब संघाला पराभूत केले. हेमंत पाटील स्पोर्टस अकादमी संघाने प्रथम फलंदाजी करताना 18 षटकांत 3 बाद 128 धावा केल्या. यात पूनम खेमनारने 7 चौकारांच्या मदतीने दमदार 59 धावांची खेळी केली. तिला सायली लोणकरने 35 (5 चौकार) धावा करताना सुरेख साथ दिली. पंजाब संघाकडून संगीता सिंधूने 2 तर अंबिका पांजलाने 1 गडी बाद केला.

पंजाब संघाला हे आव्हान पेलवले नाही. पंजाब संघाने निर्धारित 18 षटकांत 6 बाद 107 धावांपर्यंत मजल मारली. पंजाब संघाकडून नीलम बिश्‍तने 33 धावांची खेळी केली. तिला अंबिका पांजलाने 19 तर मोनिका पांडेने 12 धावा करताना साथ दिली. पूनम खेमनारने 2 तर सायली लोणकर, वैष्णवी काळे, इनाक्षी चौधरी व संजना वाघमोडे यांनी प्रत्येकी 1 गडी बाद केला. पूनम खेमनारला सामनावीर पुरस्काराने सन्मानित करण्यात आले.

संक्षिप्त धावफलक :

राजस्थान : 20 षटकांत 6 बाद 138 (मनीषासिंग नाबाद 80 (4 चौकार), सोनिका सिंग 18 (1 चौकार), अंजली चित्ते 3-0-16-3, सीमा मलगुंडे2-0-17-1, साक्षी बनसोडे 2-0-18-1) पराभूत विरुद्ध सोलापूर जिल्हा क्रिकेट संघटना : 18 षटकांत 1 बाद 139 (ऐश्वर्या गिरे नाबाद 53 (6 चौकार), समृद्धी म्हात्रे नाबाद 53 (5 चौकार) सोनिका सिंग 4-0-23-1) सामानावीर : ऐश्वर्या गिरे.

हेमंत पाटील स्पोर्टस अकादमी : 18 षटकांत 3 बाद 128 (पूनम खेमनार 59 (7 चौकार), सायली लोणकर 35 (5 चौकार), संगीता सिंधू 4-0-17-2, अंबिका पंजाला 4-0-31-1) विजयी विरुद्ध पंजाब 18 षटकांत 6 बाद 107 (नीलम बिश्‍त 33 (6 चौकार), अंबिका पांजला 19 (3 चौकार), मोनिका पांडे 12 (1 चौकार) पूनम खेमनार 4-0-28-2, सायली लोणकर 4-0-16-1)

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)