सातारा : गेली अनेक दिवस उकाड्याने हैराण झालेल्या सातारकरांना आज (गुरूवारी) सायंकाळी साडे सहाच्या सुमारास आलेल्या वळीवाच्या पावसाने चांगलेच झोडपले. असह्य उन्हाच्या झळा सोसत उकाड्याने हैराण सातारकरांना वळीवाच्या पावसामुळे सुखद गारवा मिळाला. सुमारे आर्धा तास सुरू असलेल्या पावसामुळे शहरातील वीज गायब झाली होती. तर शहरात सुरू असलेल्या ग्रेड सेपरेटर व काही पुलांची कामे सुरू असल्याने त्या ठिकाणी तळे साचल्याचा अनुभव सातारकरांनी घेतला. दरम्यान वादळी वाऱ्याने कोटेश्‍वर मैदान येथे सुरू असलेला सातारा फन फेअरचा पत्रा उडाल्याने मोठे नुकसान झाल्याची शक्‍यता वर्तवण्यात येत आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)