नवी दिल्ली – पंतप्रधान नरेंद्र मोदी पुन्हा एकदा जगभरात शक्तिशाली नेता म्हणून सिद्ध झाले आहेत. ब्रिटीश हेराल्डच्या जगातील शक्तिशाली नेत्याच्या पोलमध्ये वाचकांनी सर्वाधिक मते मोदींना दिली आहेत. या पोलमध्ये आतापर्यंत रशियन राष्ट्राध्यक्ष व्लादिमिर पुतिन, अमेरिकेचे अध्यक्ष डोनाल्ड ट्रम्प आणि चिनी अध्यक्ष शी जिनपिंगसारख्या नेत्यांनाही स्थान मिळाले होते. परंतु, २०१९ च्या पोलमध्ये मोदींनी सर्वांना मागे टाकत पहिले स्थान मिळवले आहे.
ब्रिटीश हेराल्डच्या या पोलमध्ये २५ हुन अधिक नेत्यांचा समावेश करण्यात आला होता. ब्रिटिश हेराल्ड यांनी जगातील शक्तिशाली नेता निवडण्यासाठी एका विशेष पद्धतीचा अवलंब केला होता. ब्रिटिश हेराल्डने वाचकांना वन टाइम पासवर्ड दिला होता. यामुळे कोणीही एकापेक्षा अधिक वेळा मत देऊ शकत नव्हते.
https://twitter.com/HeraldBritish/status/1140875848867696641
पंतप्रधान नरेंद्र मोदींना ३०.९ टक्के मते मिळाली. तर त्यांच्या प्रतिस्पर्धी व्लादिमिर पुतिन यांना २९.९ टक्के, डोनाल्ड ट्रम्प यांना २१.९ टक्के, शी जिनपिंग यांना १८.१ टक्के मते मिळाली. यामुळे पंतप्रधान नरेंद्र मोदी यांना ब्रिटिश हेराल्ड नियतकालिकाच्या मुखपृष्ठावर स्थान देण्यात आले आहे. ही आवृत्ती १५ जुलै रोजी प्रसिद्ध होईल.
BRITISH HERALD Magazine has evaluated Shri @narendramodi ji as world’s most powerful person.
As Indians, Be Proud of This Great Achievement. pic.twitter.com/YogAn0ge96— Atif Rasheed (@AtifBjp) June 20, 2019