ग्रामस्थांच्या सामंजस्यातुन प्रश्न सोडवण्याची गरज ः डॉ. भारत पाटणकर

कडेगांव – लिंगायत समाजाच्या स्मशानभूमीच्या प्रश्नात झोपेचे सोंग घेणाऱ्या स्थानिक प्रशासनाला जागे करण्याची गरज आहे असे मत श्रमिक मुक्ती दलाचे नेते डॉ. भारत पाटणकर यांनी वांगी येथे आयोजित करण्यात आलेल्या लिंगायत समाजाच्या मेळाव्यात व्यक्त केले. मा जिल्हाधिकारी काळम पाटील साहेब यांनी दफनभूमिच्या संदर्भात भुसंपादनाच्या दिलेल्या लेखी आदेशाबद्दल अभिनंदन केले. परंतु मा. जिल्हाधिकारी यांच्या आदेशाला केराच्या टोपली दाखवणाऱ्या कडेगावच्या स्थानिक प्रशासनाला खडे बोल सुनावले.

यावेळी बोलत असताना ते म्हणाले की ग्रामस्थ व सर्व पदाधिकारी यांच्या पाठबलावर्ती सामंजस्याची भूमिका घेवून हा प्रश्न सोडवावा. तसेच भारतीय कायद्याने जन्माला येणाऱ्या प्रत्येक नागरिकाला त्याच्या मृत्युनंतर नंतर त्या त्या समाजाच्या धार्मिक पद्धतीने त्याचे अंत्यसंस्कार करण्यासाठी जागा उपलब्ध करण्याचा कायदा आहे. यावेळी स्वागत व प्रास्ताविक डॉ. दिपक औंधे यांनी केले. सुरेश मोहिते, मोहनराव यादव, डॉ. विजय होनमाने, परशुराम माळी, रामचंद्र औंधे यांनी यावेळी मनोगत व्यक्त केले. यावेळी आप्पासो तेली, अजित हडडरे, महादेव शेटे, राहुल साळुंखे, रमेश एडके, नानासो माळी, बाबासो सूर्यवंशी, दाजीराम मोहिते, दिलीप सूर्यवंशी व सर्व पदाधिकारी व लिंगायत समाजाचे ग्रामस्थ उपस्थित होते. आभार हरिदास औंधे यांनी व्यक्त केले.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)