कॉंग्रेसने माझेही 70 हजार कर्ज माफ केले-भाजपा नेता ननकीराम कंवर

कोरबा (छत्तीसगड) : कॉंग्रेसने माझेही 70 हजार कर्ज माफ केले आहे, असे भाजपा नेते ननकीराम कंवर यांनी जाहीर केले आहे. माजी गृहमंत्री आणि आमदार ननकीराम कंवर यांनी मिळालेल्या कर्जमाफीचा जाहीर खुलासा करून आपल्याच पक्षाची हवा काढून घेतली आहे. सर्व शेतकऱ्यांची कर्जे माफ केल्याचे छत्तीसगड सरकारने जाहीर केले असले, तरी प्रत्यक्षात सहकारी बॅंकाचीच कर्जे माफ केली आहेत, असा हल्ला करण्याच्या तयारीत असलेल्या भाजपाच्या आक्रमणातील ननकीराम यांनी एक प्रकारे हवाच काढून घेतली आहे.

छत्तीसगडमध्ये सत्तांतर झाल्यानंतर भाजपामध्ये अंतर्गत संघर्षाला तोंड फुटले आहे. कार्यकर्तेही नेत्यांवर दोषारोप करू लागले आहेत. त्यातच ननकीराम यांनी आपले कर्ज माफ झाल्याची घोषणा करून नेतृत्वाची पंचाईत करून ठेवली आहे. पत्रकारांसमोर त्यांनी सांगितले की कॉंग्रेसने शेतकऱ्यांची कर्जे माफ केल्याची गोष्ट खरी आहे. अगोदर त्यांनी आयएएस -आयपीएस अधिकाऱ्यांच्या तक्रारी केलेल्या आहेत.

-Ads-
दैनिक प्रभातचे फेसबुक पेज लाईक करा

शेतकऱ्यांची कर्जे माफ करण्याऐवजी रमण सिंह यांनी मोबाईल वाटल्यामुळे छत्तीसगडमध्ये भाजपाचा पराभव झाल्याच्या बाबतीत विचारणा केली असता कोणत्या योजनेने काय फायदे काय तोटे झाले याबाबत बोलणे योग्य नाही, असे उत्तर त्यांनी दिले.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)