तिसरी आयकॉन ग्रुप लिटिल कुमार चॅम्पियनशिप सिरिज स्पर्धा
पुणे – 8 वर्षाखालील मुलांच्या गटात वेदांत जोशी, आरव मुळ्ये या खेळाडूंनी मानांकित खेळाडूंना पराभवाचा धक्का देत येथे होत असलेल्या पुणे मेट्रोपॉलिटन जिल्हा टेनिस संघटना(पीएमडीटीए) यांच्या तर्फे व केपीआयटी यांच्या संलग्नतेने आयोजित 8 व 10 वर्षाखालील मुले व मुलींच्या गटातील तिसऱ्या आयकॉन ग्रुप लिटिल कुमार चॅम्पियनशिप सिरिज टेनिस स्पर्धेच्या उपांत्य फेरीत प्रवेश केला.
सेंटर फॉर पोलिस रिसर्च(सीपीआर), पाषाण येथील टेनिस कोर्टवर सुरु असलेल्या या स्पर्धेत उपांत्यपूर्व फेरीत 8 वर्षाखालील मुलांच्या गटात बिगरमानांकित वेदांत जोशी याने चौथ्या मानांकित युग उपरिकरचा 6-3 असा पराभव करून अनपेक्षित निकाल नोंदविला. आरव मुळ्ये याने तिसऱ्या मानांकित स्मित उंदरेचा टायब्रेकमध्ये 6-5(3) असा पराभव करून उपांत्य फेरीत धडक मारली.
मुलींच्या गटात अव्वल मानांकित श्रावी देवरे हिने ताश्वी पांडेचा 5-0 असा, तर तिसऱ्या मानांकित सृष्टी सूर्यवंशीने अनन्या गोयलचा 5-1 असा पराभव करून उपांत्य फेरी गाठली.
सविस्तर निकाल : 8 वर्षाखालील मुले – अंशूल पुजारी(1) वि.वि. नील देसाई (8) 6-3, वेदांत जोशी वि.वि. युग उपरिकर(4) 6-3, आरव मुळ्ये वि.वि. स्मित उंदरे(3) 6-5(3), क्रिशय तावडे(2) वि.वि. युगंधर शास्त्री 4-2 सामना सोडून दिला.
8 वर्षाखालील मुली :- श्रावी देवरे(1) वि.वि. ताश्वी पांडे 5-0, सृष्टी सूर्यवंशी(3) वि.वि. अनन्या गोयल 5-1, वीरा हरपुडे(4) वि.वि. ओवी मारणे 5-2, स्वरा जावळे(2) वि.वि. प्रार्थना खेडकर 5-2.