श्रीनगर – जम्मू-आणि काश्मीरमध्ये पुन्हा एकदा पुलवामा हल्ल्यासारखा दहशतवादी हल्ल्याचा प्रयत्न करण्यात आला आहे. यावेळी दहशतवाद्यांनी जम्मू-राजौरी महामार्गाला आपले लक्ष्य केले होते. सुदैवाने, सुरक्षा दलांना याबाबत माहिती मिळाल्याने दहशतवादी हल्ल्याचा कट उधळण्यात आला.
सूत्रानुसार, जम्मू-काश्मीरमधील ऑपरेशन ऑलआउटमुळे दहशतवादी पूर्णपणे संतापले आहेत. मागील १८ दिवसात १८ दहशतवाद्यांना कंठस्नान घालण्यात सुरक्षा दलाला यश आले आहे. यामुळे दहशतवादी सुरक्षा दलाच्या जवानांना निशाणा बनवत आहेत. जम्मू-राजौरी महामार्गावरून जाणाऱ्या जवानांना लक्ष बनविण्यात येणार होते. परंतु, महामार्गावर गस्तीवरील सुरक्षा दलाच्या एका गटाला संदिग्ध आयईडी स्फोटके आढळून आली. यानंतर भारतीय सैन्य, जम्मू-काश्मीर पोलीस आणि सीआरपीएफने एक संयुक्त ऑपरेशन राबवत आयईडी स्फोटके निकामी आली आहेत. महामार्गावरील वाहतूक सध्या थांबविण्यात आली आहे.
#WATCH District Police Office Rajouri (J&K): Suspected IED material destroyed by bomb disposal squad at the Jammu-Poonch highway in Kallar today. pic.twitter.com/QJOYTgBQah
— ANI (@ANI) May 27, 2019
दरम्यान, १४ फेब्रुवारी रोजी पुलवामा दहशतवादी हल्ल्यात सीआरपीएफचे ४० जवान शहीद झाले होते. अशाप्रकारचे आणखी हल्ले घडण्याची माहिती गुप्तचर संघटनांनी दिली होती.