मोहन कलाटे वॉरीयर्स संघाला विजेतेपद

लायन्स्‌ प्रिमियर लीग अजिंक्‍यपद’ टी-20 क्रिकेट स्पर्धा

पुणे – मोहन कलाटे वॉरीयर्स संघाने शिवनेरी लायन्स्‌ संघाचा सहज पराभव करताना येथे सुरु असलेल्या लायन्स्‌ क्‍लब डिस्ट्रीक 323 डी-2 तर्फे आयोजित “लायन्स्‌ प्रिमियर लीग अजिंक्‍यपद’ टी-20 क्रिकेट स्पर्धेचे विजेतेपद आपल्या नावे केले आहे.

-Ads-

नेहरू स्टेडियम मैदानावर झालेल्या या स्पर्धेत नाणेफेक जिंकून शिवनेरी लायन्स्‌ संघाने पहिल्यांदा फलंदाजी स्विकारली. उपांत्य फेरीत 236 ही स्पर्धेतील सर्वोच्च धावसंख्या रचणाऱ्या शिवनेरी लायन्स्च्या फलंदाजांना अंतिम सामन्यात आपला फॉर्म कायम ठेवता आला नाही. ठराविक अंतराने शिवनेरी संघाचे फलंदाज बाद होत राहीले आणि त्यांचा डाव 20 षटकांत 117 धावांवरच संपला. यावेळी त्यांच्या संघातर्फे योगेश भोंगळे याने सर्वाधिक 28 धावांची खेळी साकारली.

तर, तुषार शिंदे याने 22 आणि सनी मारवाडीने 14 धावांची खेळी करत संघाला 117 धावांची धावसंख्या गाठुन दिली. यावेळी मोहन कलाटे वॉरियर्ससंघाच्या फॉर्ममध्ये असणाऱ्या सौरभ रवालिया याने 23 धावांत 4 गडी बाद करत भेदक गोलंदाजीचे प्रदर्शन केले.

तर, प्रत्युत्तरात खेळणाऱ्या मोहन कलाटे वॉरीयर्सचा सलामीवीर सौरभ रवालियाने 55 धावा केल्या तर दुसरा सलामीवीर दिग्वीजय मोहीतेने 58 धावांच्या तडाखेबाज व जबाबदारी युक्त फलंदाजी करताना संघाला 16.4 षटकांमध्ये 118 धावा करत संघाला विजय मिळवून दिला. यावेळी सामनावीर म्हणुन सौरभ रवालियाचा गौरव करण्यात आला.

स्पर्धेचे पारितोषिक वितरण डिस्ट्रीक गव्हर्नर 3234 डी-2चे रमेश शहा यांच्या हस्ते झाले. यावेळी व्हाईस डिस्ट्रीक गव्हर्नर ओमप्रकाश पेठे व अभय शास्त्री, महाराष्ट्र क्रिकेट संघटना डिसेबलचे संस्थापक दिलीप लोखंडे, डिस्ट्रीक क्रिकेटचे मुख्य वसंतभाऊ कोकणे आणि भुपेंदरसिंग धुल्लट आदि मान्यवर उपस्थित होते.

विजेत्या आणि उपविजेत्या खेळाडूंना करंडक देण्यात आला. स्पर्धेमध्ये नायर इगल्स्च्या अभिषेक मोहीते याला सर्वोत्कृष्ट फलंदाज, मोहन कलाटे वॉरीयर्सच्या कुणाल शिंदे याला सर्वोत्कृष्ट गोलंदाज आणि मालिकावीर हा मान मोहन कलाटे वॉरीयर्सच्या सौरभ रवालिया यांना देण्यात आला.

सविस्तर निकालः

शिवनेरी लायन्सः 20 षटकांत 9 बाद 117 (योगेश भोंगळे 28 (23, 2 चौकार), तुषार शिंदे 22 (26, 2 चौकार), सनी मारवाडी 14, सौरभ रवालिया 4-23) पराभूत वि. मोहन कलाटे वॉरीयर्सः 16.4 षटकांत बिनबाद 119 (सौरभ रवालिया 55 (52, 4 चौकार), दिग्वीजय मोहीते 58 (48, 10 चौकार); सामनावीरः सौरभ रवालिया.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)