हाॅकी विश्वचषक स्पर्धा 2018 : स्पेन-फ्रान्स सामना बरोबरीत

भुवनेश्वर – येथील कलिंगा स्टेडियममधील मैदानावर सोमवारी झालेल्या स्पेन वि फ्रान्स यांच्यातील सामना 1-1 ने बरोबरीत सुटला. त्यामुळे दोन्ही संघाना समान गुण देण्यात आले.

जागतिक क्रमवारी पाहता स्पेनचा संघ 8 व्या स्थानावर तर फ्रान्सचा संघ हा 20 व्या स्थानावर आहे. त्यामुळे कालच्या सामन्यात स्पेनचे पारडे जड मानले जात होते.

कर्णधार आणि गोलकीपर क्विको काॅर्टीसने फ्रान्सचा जबरदस्त पेनल्टी स्ट्रोक आपल्या कौशल्याने रोखत हाॅकी विश्वचषक स्पर्धेत आपल्या स्पेन संघावरील पराभवाची नामुष्की टाळली. सामन्यात फ्रान्सकडून 6 व्या मिनिटाला टिमोथी क्लेमेंटने पहिला व एकमेव गोल नोंदवला. तर स्पेनकडून अल्वारो इगलेसिसने 48 व्या मिनिटाला गोल करत सामन्यात बरोबरी साधली.

स्पेन हा ग्रुप ए मध्ये 1 गुणासह तिसऱ्या आणि फ्रान्स हा 1 गुणासह ग्रुपमध्ये चौथ्या स्थानावर आहे. ग्रुप ए मध्ये अर्जेंटिनाचा संघ 6 गुणासह टाॅपवर तर न्यूझीलंडचा संघ 3 गुणासह दुसऱ्या स्थानावर आहे.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)