सातारा : कोरोनाचा संसर्ग होऊ नये म्हणून मास्क लावणे गरजेचे असतानाही 6 जणांनी तोंडाला मास्क न लावल्यामुळे पोलिसांनी अशा लोकांवर सातारा तालुका पोलीस ठाण्यात गुन्हे दाखल केले आहेत.
रबीलाल शेख (वय 34,रा. आरळे, ता. सातारा), मयूर लोंढे (वय 30, रा. संगमनगर ता.सातारा) गणेश सोनटक्के (30, रा. बोरखळ, ता. सातारा), रहीम सय्यद (वय 21, रा, सातारारोड ता. कोरेगाव), शंकर पिसाळ (वय 19 रा. आरफळ, ता. सातारा) अशी गुन्हा दाखल झालेल्यांची नावे आहेत.
या सर्वांनी कोरोनापासून बचाव होण्यासाठी तोंडाला मास्क न लावता हायगय केल्याचा ठपका पोलिसांनी ठेवला आहे. याबाबत हवालदार विश्वनाथ अमराळे यांनी सातारा तालुका पोलीस ठाण्यात फिर्याद दिली आहे.