आणखी ८ जणांचे रिपोर्टही निगेटिव्ह
सातारा (प्रतिनिधी) : सातारा जिल्हा रुग्णालयात पहिल्यांदा दाखल केलेल्या दोन पॉझिटिव्ह रुग्णांचे पहिल्या १४ दिवसाचे रिपोर्ट निगेटिव्ह आले आहेत. त्यानंतर पुन्हा एकदा उद्या 15 व्या दिवसासाठीचे त्या रुग्णांच्या घशातील स्त्रावांचे नमुने तपासणी साठी पाठविले जातील, अशी माहिती जिल्हा शल्य चिकित्सक डॉ. आमोद गडीकर यांनी दिली आहे.
आणखी एक दिलादायक बाब म्हणजे या दोन्ही रिपोर्टबरोबर आणखी आठ रिपोर्टही निगेटिव्ह असल्याची माहितीही त्यांनी यावेळी दिली. जिल्हातील पहिले दोन रूग्ण बरे होण्याच्या मार्गावर आहेत. ही गोष्ट जरी समाधानकारक असली तरी नागरिकांनी घरात थाबांवे व काळजी घ्यावी आणि त्याबरोबरच प्रशासनाने दिलेल्या सूचनांचे पालन करावे तरच कोरोनावर आपण मात करू असेही आवाहनदेखील डाॅ. गडीकर यांनी केले.