ऋषभ पंतने मोडला धोनीचा विक्रम

ऍडलेड – भारतीय संघाचा नवोदित यष्टीरक्षक ऋषभ पंतने ऑस्ट्रेलिया विरुद्धच्या पहिल्या कसोटीच्या तिसऱ्या दिवशी यष्टीमागे 6 झेल घेत महेंद्रसिंग धोनीचा विक्रम मोडला आहे. याअगोदर ऑस्ट्रेलिया विरुद्ध एका डावात सर्वाधिक झेल घेण्याचा भारतीय विक्रम धोनीच्या नावे होता.

त्याने 2008 मध्ये पर्थ कसोटीमध्ये यष्टीमागे 5 झेल घेतले होते. त्याचबरोबर 2014 मध्ये मोलबोर्न कसोटीमध्ये 4 झेल आणि एक यष्टीचीत केले होते. खास कामगिरीसह ऋषभ ऑस्ट्रेलिया विरुद्ध एका डावात सहा झेल घेणारा पहिला भारतीय यष्टीरक्षक ठरला आहे.

ऋषभ पंतच्या अगोदरही अशी कामगिरी अन्य काही खेळाडूंनी केली आहे. तर ऑस्ट्रेलिया विरुद्ध एका डावात सर्वाधिक 7 झेल घेण्याचा विक्रम वेस्ट इंडिजच्यारिडली जेकब च्या नावे आहे त्याने 2000 मध्ये मेलबॉर्न कसोटीमध्ये हा विक्रम नोंदवला होता.


‘प्रभात’चे फेसबुक पेज लाईक करा

What is your reaction?
21 :thumbsup:
1 :heart:
0 :joy:
0 :heart_eyes:
2 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)