#DCvRCB : दिल्ली कॅपिटल्सचे बंगळुरूसमोर विजयासाठी 188 धावांचे आव्हान

नवी दिल्ली – सलामीवीर शिखर धवन आणि कर्णधार श्रेयस अय्यर यांच्या अर्धशतकी खेळीच्या जोरावर दिल्ली कॅपिटल्स संघाने रॉयल चॅलेंजर्स बंगळुरूसमोर विजयासाठी 188 धावांचे आव्हान ठेवले आहे.

दिल्ली कॅपिटल्स संघाने नाणेफेक जिंकून प्रथम फलंदाजीची निर्णय घेतला होता. प्रथम फलंदाजी करताना दिल्लीच्या संघाने 20 षटकांत 5 बाद 187 धाव संख्येपर्यत मजल मारली. दिल्लीकडून फलंदाजीत श्रेयस अय्यरने 37 चेंडूत (2 चौकार आणि 3 षटकार) सर्वाधिक 52 धावा केल्या, तर शिखर धवन याने 37 चेंडूत (5 चौकार आणि 2 षटकार) 50 धावा केल्या. शेरफेन रूदरफोर्डने 13 चेंडूत नाबाद 28 तर अक्षर पटेलने 9 चेंडूत 16 धावा करत संघाची धावसंख्या 187 पर्यंत नेली.

रॉयल चॅलेंजर्स बंगळुरूकडून युजवेंद्र चहलने 2 आणि उमेश यादव, वॉशिंग्टन सुंदर, नवदीप सैनी यांनी प्रत्येकी 1 विकेट घेतली.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)