पिंपरी : साडेतीन महिन्यांत स्वाइन फ्लूचे 14 रुग्ण

पिंपरी – शहरात गेल्या साडेतीन महिन्यांत स्वाइन फ्लूचे 14 रुग्ण आढळले आहेत. तर, दोघांचा आत्तापर्यंत मृत्यू झाला आहे. स्वाईन फ्लूच्या रुग्णांमध्ये दिवसेंदिवस वाढ होवू लागल्याने नागरिकांमध्ये भितीचे वातावरण निर्माण झाले आहे.

1 जानेवारीपासून आजअखेर 3 हजार 144 रुग्णांना टॅमिफ्ल्यू गोळ्या देण्यात आल्या आहेत. 45 रुग्णांच्या घशातील स्त्रावाचे नमुने तपासणीसाठी घेण्यात आले. त्यामध्ये 14 रुग्णांना स्वाइन फ्लूची लागण झाल्याचे स्पष्ट झाले.

दरम्यान, आज दिवसभरात 42 जणांना टॅमिफ्ल्यू गोळ्या देण्यात आल्या. 4 रुग्णांच्या घशातील स्त्रावाचे नमुने तपासणीसाठी पाठविले. त्यातील एका रुग्णाला स्वाइन फ्लूची लागण झाल्याचे उपचारानंतर स्पष्ट झाले असून त्याच्यावर उपचार सुरू करण्यात आले आहेत.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)