पिंपरी – येत्या सोमवारी (दि.20) होणाऱ्या सर्वसाधारण सभेत चार विषय समित्यांच्या सदस्यांची निवड केली जाणार आहे. त्याकरिता या चार समित्यांच्या सदस्यपदासाठी इच्छुक असलेल्या राष्ट्रवादीच्या नगरसेवकांकडून विरोधी पक्षनेते दत्ता साने यांनी अर्ज मागविले आहेत.
चार समित्यांवर प्रत्येकी नऊ नवीन सदस्यांची निवड केली जाणार आहे. पक्षीय बलाबलानुसार या चारही समित्यांवर राष्ट्रवादीला प्रतिनिधित्व मिळत आहे. इच्छुक नगरसेवकांनी शुक्रवारी (दि.17) सायंकाळी पाच वाजेपर्यंत विरोधी पक्षनेते कार्यालयात अर्ज सादर करण्याचे आवाहन करण्यात आले आहे.