रेल्वेमधील अन्नपुरवठा सेवा पारदर्शी होणार

नवी दिल्ली – मार्च महिन्यापासून रेल्वेमधील जेवणाच्या किमतींचा तक्‍ते रेल्वेसह स्टेशनवर सर्वांना दिसेल अशा ठिकाणी लावले जाणार आहेत. विशेष म्हणजे या तक्‍त्यावर एक संदेश लिहिला जाणार आहे. कृपया टीप देऊ नका, जर बिल मिळाले नाही तर तुमचे जेवण मोफत आहे. रेल्वेमधील कॅटरिंग सेवा पारदर्शी बनवण्यासाठी रेल्वेमंत्री पियुष गोयल यांनी हे पाऊल उचलले आहे.

पियुष गोयल आणि रेल्वेच्या अधिकाऱ्यांची गेल्या आठवड्यात महत्त्वाची बैठक झाली. या बैठकीत गोयल यांनी काही महत्त्वाचे आदेश दिले आहेत. प्रवाशांच्या तक्रारींसाठी रेल्वे प्रशासनातर्फे एक हेल्पलाईन नंबर सुरू केला जाणार आहे. सध्या देशभरातील 723 रेल्वे स्थानकांवर मोफत वायफायची सेवा दिली जाते.

आगामी काळात दोन हजार रेल्वे स्थानकांवर मोफत वायफायची व्यवस्था करण्यात येईल. 31 मार्च 2019 पर्यंत सर्व कॅटरिंग स्टाफ आणि टीटीई यांना स्वाईप मशीन तसेच पीओएस (पॉईंट ऑफ सेल) मशीन्स वितरीत केल्या जाणार आहेत. रेल्वे प्रशासन प्रवाशांना ज्या सुविधा देत आहे, त्यांच्या किमती सार्वजनिक केल्या जाणार आहेत. त्यामुळे पारदर्शकता वाढणार आहे.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)