बेलवंडीत शेतकऱ्याची आत्महत्या

श्रीगोंदा – तालुक्‍यातील बेलवंडी येथील भाऊसाहेब कोंडीबा शेलार (वय 48) या शेतकऱ्याने घरातील पंख्याला ओढणीच्या सहायाने गळफास घेऊन आत्महत्या केली. हा प्रकार आज दि. 29 रोजी दुपारी दीडच्या सुमारास घडला. या घटनेमुळे परिसरात एकच खळबळ उडाली आहे.

याबाबत बेलवंडी पोलीस ठाण्यात अकस्मित मृत्यूची नोंद करण्यात आली आहे. याबाबतची माहिती अशी की, श्रीगोंदा तालुक्‍यातील बेलवंडी गावात दि.29 रोजी दुपारच्या वेळी भाऊसाहेब कोंडीबा शेलार यांचे गावातील काही इसमांबरोबर जोराचे भांडण झाले.

ही माहिती मयताचा मुलगा प्रवीण भाऊसाहेब शेलार याला मिळताच त्याने आपल्या दुचाकीवरून वडिलांना घरी नेऊन सोडले. तो शेतात गेला असता, दुपारी दीडच्या सुमारास भाऊसाहेब शेलार यांनी घरातील पंख्याला ओढणीच्या सहायाने गळफास घेतला असल्याची माहिती प्रवीण यास शेजाऱ्यांनी फोनवरून दिली.

प्रवीण याने तत्काळ घरी जाऊन पहिले असता, त्यास वडील मयत झाल्याचे दिसून आले. याबाबत प्रवीण याने बेलवंडी पोलीस ठाण्याला माहिती देऊन शेलार यांचा मृतदेह श्रीगोंदा येथील ग्रामीण रुग्णालयात शवविच्छेदनासाठी आणला. शवविच्छेदन झाल्यानंतर मृतदेहावर रात्री उशिरा अंत्यसंस्कार करण्यात आले.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
1 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)