केरोसिन विक्रेत्यांच्या कमिशनमध्ये वाढ

नगर – राज्यातील किरकोळ केरोसिन परवानाधारकांच्या कमिशनमध्ये वाढ करण्याचा निर्णय राज्य सरकारने घेतला आहे. त्यानुसार केरोसिन विक्रेत्यांच्या कमिशनमध्ये 225 रुपये वाढ करण्यात आली आहे. केरोसिन परवानाधारकांना याआधी 450 रुपये प्रति किलोलीटर मिळत होते. परवानाधारकांच्या कमिशनमध्ये वाढ करण्यात यावी, यासाठी संघटनांकडून सातत्याने पाठपुरावा केला जात होता. संघटनांच्या पाठपुराव्याची दखल घेत राज्य सरकारने परवानाधारकांच्या कमिशनमध्ये वाढ केली आहे.

केरोसिनचा वापर करणाऱ्या ग्राहकांची संख्या कमी होत आहे. गॅस सिलींडरचा वापर वाढत असल्याने जिल्ह्यांचा केरोसिनचा कोटाही कमी होत आहे. त्यामुळे किरकोळ केरोसिन परवानाधारकांच्या अडचणी वाढल्या आहेत. ज्यांच्याकडे स्वस्त धान्य दुकाने आहे त्यांना फारशा अडचणी नाहीत. परंतु, ज्यांच्याकडे स्वस्त धान्य दुकाने नाहीत त्यांच्या अडचणी वाढल्या आहेत. त्यामुळे परवानाधारकांच्या विविध संघटनांकडून कमिशनमध्ये वाढ करण्याची मागणी केली जात होती. या मागणीची दखल राज्य सरकारने घेतली आहे.

-Ads-
दैनिक प्रभातचे फेसबुक पेज लाईक करा

राज्यातील किरकोळ तसेच अर्धघाऊक परवानाधारकांच्या कमिशनमध्ये 2016 नंतर वाढ करण्यात आलेली नाही. त्यामुळे या काळात केंद्र सरकारने घाऊक परवानाधारकांच्या कमिशनमध्ये केलेली वाढ तसेच अन्य बाबी विचारात घेऊन राज्य सरकारने केरोसिन परवानाधारकांच्या कमिशनमध्ये वाढ करण्याचा निर्णय घेतला आहे. दरम्यान, नगर जिल्ह्यात गॅस कनेक्‍शनची संख्या वाढत असल्याने केरोसिनची मागणी कमी होत आहे. त्यानुसार जिल्ह्यासाठी केरोसिनचा कोटा कमी होत आहे. जिल्ह्यातील केरोसिनचे टॅंकर कमी होत आहेत.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)