बस वाहकास मारहाण; दोघांविरोधात गुन्हा दाखल

वाहकांना सातत्याने मारहाण

मागील आठवड्यात तालुक्‍यातील खर्डा बसस्थानकात बसवाहकाला मारहाण करण्याचे प्रकरण ताजे असतानाच, आता पुन्हा खर्डा परिसरातील जातेगाव शिवारात बसवाहकाला मारहाण झाली. बसवाहकाला सातत्याने टार्गेट करण्याचे प्रकार वाढल्याने बसवाहकांच्या सुरक्षेचा प्रश्न ऐरणीवर आला आहे.

जामखेड – गावात बस घेण्यास नकार देणाऱ्या बस वाहकास मारहाण केल्याप्रकरणी दोघा जणांविरोधात सरकारी कामात अडथळा आणल्याप्रकरणी गुन्हे दाखल करण्यात आले आहे. हा प्रकार जामखेड तालुक्‍यातील जातेगाव या ठिकाणी 4 रोजी सायंकाळी घडला. जामखेड तालुक्‍यात बस वाहकास मारहाण होण्याची या आठवड्यातील दुसरी घटना आहे.

याबाबत माहिती अशी, कळंब आगाराची कळंब-पुणे ही बस नियमितपणे जामखेड तालुक्‍यातील जातेगाव गावातून जाते. मंगळवारी जातेगावचा बाजार असल्याने बस गावातून जाणार नाही, असे सांगणाऱ्या बस वाहकाचा राग आल्याने चिडलेल्या दोघा प्रवाश्‍यांनी बसवाहकाला शिवीगाळ करून मारहाण केली.

-Ads-

अचानक झालेल्या हल्ल्यात बसवाहक रमाकांत विठ्ठल खामकर जखमी झाले. त्यांना 108 रूग्णवाहिकेतून उपचारासाठी जामखेडला हलविले. दरम्यान मारहाणीत बसवाहक खामकर यांच्या शर्टच्या खिश्‍यातील अडीच हजार रूपयांपेक्षा अधिकची रक्कम व मोबाईल आरोपींनी हिसकावून घेतले. ही घटना जातेगाव फाट्यानजीक असलेल्या शाळेच्या परिसरात घडली.

मारहाण प्रकरणी जामखेड पोलीस ठाण्यात रात्री उशिरा कळंब आगाराचे बसवाहक रमाकांत विठ्ठल खामकर यांच्या फिर्यादीवरून रेखा रावसाहेब वाणी व नाना गायकवाड या दोघांविरोधात सरकारी कामात अडथळा आणल्याप्रकरणासह विविध कलमान्वये गुन्हे दाखल करण्यात आले. पुढील तपास सहायक पोलीस निरीक्षक अवतारसिंग चव्हाण हे करीत आहेत.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)