कोपरगावातील नऊ गावांचा दुष्काळी यादीत समावेश -आ. कोल्हे

कोपरगाव – कोपरगाव विधानसभा मतदारसंघात चालू वर्षी पाऊस झाला नाही. त्यामुळे खरीप आणि रब्बी रिकांचे मोठ्या प्रमाणात नुकसान होऊन, त्याची सर्वाधिक झळ शेतकरी वर्गाला बसली. त्यात शासनाच्या दुष्काळग्रस्तांसाठीच्या सोयी-सवलती मतदारसंघास लागू व्हाव्यात, यासाठी पाठपुरावा केल्याने पश्‍चिम भागातील वेस, सोयेगाव, धोंडीवाडी, रांजणगाव देशमुख, बहादरपूर, बहादराबाद, शहापूर, मनेगाव, काकडी, मल्हारवाडी आदी गावांचा दुष्काळी गावांच्या यादीत समावेश झाला असल्याची माहिती आमदार स्नेहलता कोल्हे यांनी दिली.

आ. कोल्हे म्हणाल्या, या गावांव्यतिरिक्त ओगदी, नाटेगाव, अंचलगाव या गावांचाही दुष्काळग्रस्त यादीत समावेश झाला आहे. उर्वरित गावांसाठी अद्यापही पाठपुरावा सुरू आहे. दुष्काळाच्या निकषात गावे बसविताना ब्रिटिशकालीन पद्धतीचा अवलंब केला जातो. आता ही पद्धत कालबाह्य झालेल्या आहे. पावसाची ट्रीगर पद्धतही चुकीची आहे. कोपरगाव विधानसभा मतदारसंघातील बारमाही कालवे लाभधारक शेतकऱ्यांवर अगोदरच मोठ्या प्रमाणात अन्याय झाला आहे.

-Ads-
दैनिक प्रभातचे फेसबुक पेज लाईक करा

2012 पासून समन्यायी पाणी वाटपामुळे अतिरिक्त पाण्याला खो बसला. चालू वर्षी पर्जन्यमान चांगले होईल, या भरवशावर शेतकरी वर्गाने महागडे बीयाणे खरेदी करून ठेवली. पण ती पाण्याअभावी जळून गेली आहेत. तेंव्हा या शेतकऱ्यांना तातडीने मदत द्यावी अशी मागणीही आमदार कोल्हे यांनी केली आहे. उर्वरित गावांसाठी मुख्यमंत्री देवेंद्र फडणवीस, महसूलमंत्री चंद्रकांत पाटील, पालकमंत्री प्रा. राम शिंदे, ग्रामविकासमंत्री पंकजा मुंढे आदींकडे पाठपुरावा सुरू आहे, असेही त्या शेवटी म्हणाल्या.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)