सार्वजनिक ग्रंथालय कर्मचारी वेतनश्रेणीपासून वंचित

कोपरगाव – राज्यातील सार्वजनिक वाचनालयांतील अनेक कर्मचारी देशाची भावी पिढी सक्षम करण्यासाठी विविध दुर्मिळ पुस्तके जतन करून ती वाचकांसाठी उपलब्ध करून देत आहेत. असे महत्त्वपूर्ण काम करणाऱ्या राज्यातील सार्वजनिक ग्रंथालयातील कर्मचारी अद्यापही वेतनश्रेणीपासून वंचित आहेत. वेतनश्रेणी लागू करावी व पेन्शन योजना लागू करावी, या मागणीचे निवेदन कोपरगाव तालुक्‍यातील सार्वजनिक ग्रंथालय संघटना व ग्रंथालय कर्मचारी संघटनांच्यावतीने तहसील किशोर कदम देऊन शासनाचे लक्ष वेधण्यात आले.

सार्वजनिक ग्रंथालयांत काम करणाऱ्या कर्मचाऱ्यांना तुटपुंज्या मानधनात अनेक वर्षांपासून काम करावे लागत आहे. राज्य सरकारने राज्य कर्मचाऱ्यांना सातवा वेतन आयोग लागू करून नवीन वर्षाची भेट दिली. मात्र कर्मचाऱ्यांचा वेतश्रेणीत सामावेश करून घेतला नाही. त्यामुळे निष्ठेने काम करूनही कमी मानधनात काम करावे लागत आहे. सध्याच्या महागाईच्या काळात त्यांना आपला उदरनिर्वाह करणे जिकिरीचे झाले आहे. तेव्हा शासनाने याचा सकारात्मक विचार करावा, अशी मागणी संघटनेच्या वतीने निवेदनात केली आहे.

-Ads-

दरम्यान, अनेक वर्षांपासून शासनाने सार्वजनिक वाचनालयांच्या कर्मचाऱ्यांच्या अपेक्षित मागण्या मान्य केल्या नाही, तर कर्मचारी काळ्या फिती लावून काम करून शासनाचा निषेध करतील. यावेळी संघटनेचे अध्यक्ष विष्णू वाघ, योगेश कोळगे, सचिव सिद्धार्थ मेहरखांब, भाऊसाहेब वाघ, दत्तात्रय हिलोडे, समाधान गायकवाड, सचिन कोळपे, महेश थोरात, भाऊसाहेब गेठे, बाळासाहेब ढोमसे, बाबासाहेब कर्पे, शहाराम अनार्थे, बाळकृष्ण राजगुरू, अण्णासाहेब खिलारी, प्रमोद येवले, राकेश टिभे आदींसह संस्थाचालक, पदाधिकारी, कर्मचारी उपस्थित होते.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)