लालूप्रसाद यादव यांची प्रकृती खालावली 

संग्रहित छायाचित्र

रांची – चारा घोटाळा प्रकरणी शिक्षा सुनाविण्यात आलेले राष्ट्रीय जनता दलाचे प्रमुख लालूप्रसाद यादव यांची आज प्रकृती खालावली आहे. त्यांना रांची येथील रिम्स रुग्णालयात उपचारासाठी दाखल करण्यात आले आहे. लालूप्रसाद यादव यांची प्रकृती खालावल्याने पक्षातील वरिष्ठ नेत्यांनी रुग्णालयात धाव घेतली. तसेच यादव यांना चांगल्या रुग्णालयात दाखल करावे, अशी मागणी केली आहे.

लालूप्रसाद यादव चारा घोटाळ्याप्रकरणी कारागृहात आहेत. मात्र, प्रकृतीच्या कारणास्तव त्यांना रुग्णालयात दाखल करण्यात आले. लालूप्रसाद यादव यांना विविध आजारांनी ग्रासले असून दोन दिवसांपासून त्यांची प्रकृती खालावत होती. त्यांचा रक्तदाब वाढला असून गुडघेदुखीही वाढली आहे. यामुळे लालूप्रसाद यादव यांचे फिरणेही बंद झाले आहे. याशिवाय त्यांना मूत्रपिंडाशी संबंधित आजार आहेत.

-Ads-

दरम्यान, राष्ट्रीय जनता दलाच्या आमदार रेखा देवी यांनी शनिवारी सकाळी रिम्स रुग्णालयात जाऊन लालूप्रसाद यादव यांच्या प्रकृतीची विचारपूस केली. त्या म्हणाल्या, लालूप्रसाद यादव यांची प्रकृती खालावली आहे. त्यांना चालता येत नसून रक्तदाबही वाढला आहे. त्यांच्यावर चांगल्या रुग्णालयात उपचार करण्याची गरज आहे. लालूप्रसाद यांना दुसऱ्या रुग्णालयात नेण्याची व्यवस्था करावी, अशी मागणी त्यांनी केली आहे. तसेच लालूप्रसाद यादव यांचे कुटुंबीय आणि पक्षातील नेते रांचीतील रुग्णालयात पोहोचले आहेत.

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)