ऑस्ट्रेलियाला फॉलोऑन, भारताला विजयाची संधी

सिडनी – भारत आणि ऑस्ट्रेलिया यांच्यातील चौथ्या आणि अखेरच्या कसोटीतील चौथ्या दिवशी पावसाच्या व्यतयामुळे अवघ्या 24.5 षटकांचाच खेळ होऊ शकला. कालच्या 6 बाद 236 वरून पुढे खेळताना ऑस्ट्रेलियाचा पहिला डाव 300 धावांवर आटोपला. भारताने ऑस्ट्रेलियाला फॉलोऑन दिला असून दुसऱ्या डावात चौथ्या दिवसअखेर ऑस्ट्रेलियाने बिनबाद 6 धावांची मजल मारली आहे.

कसोटी सामन्याचा उद्याचा दिवस बाकी असून भारताकडे अजूनही 316 धावांची आघाडी आहे. त्यामुळे उद्याच्या दिवशी पावसाचा व्यतय न आल्यास आणि ऑस्ट्रेलियाचे सर्व फलंदाज बाद केल्यास भारताला 3-1 ने मालिका जिंकण्याची नामी संधी आहे.

भारताकडून पहिल्या डावात कुलदीप यादवने सर्वाधिक 5 गडी बाद केले तर मोहम्मद शमी आणि रविंद्र जडेजाने प्रत्येकी 2 गडी बाद केले.जसप्रीत बुमराहने 1 गडी बाद केला. ऑस्ट्रेलियाकडून मार्कस हॅरिसने सर्वाधिक 79 धावा केल्या. चौथ्या दिवसाचा खेळ थांबला तेव्हा ऑस्ट्रेलियाच्या बिनबाद 6 धावा झाल्या असून उस्मान ख्वाजा 4 आणि मार्कस हॅरिस 2 धावांवर खेळत आहेत.


‘प्रभात’चे फेसबुक पेज लाईक करा

What is your reaction?
1 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)