सातारा काँग्रेसच्या अडचणींमध्ये वाढ

सातारा –  जिल्हाध्यक्ष रणजितसिंह ना. निंबाळकर यांनी पदाचा राजीनामा दिल्यानंतर आता काँग्रेसच्या अडचणींमध्ये आणखी वाढ होत आहे.लोकसभा निवडणूकीच्या तयारीसाठी जिल्हा कॉंग्रेस कमिटीमध्ये झालेल्या नुकत्याच एका कार्यक्रमात पदाधिकाऱ्यांचा साधा नामोल्लेख सुध्दा न करण्यात आल्यामुळे एस.सी व एस.टी.सेलचे पदाधिकारी संतप्त झाले आहेत. त्यांनी सातारा लोकसभा निवडणूकीच्या प्रक्रियेत सहभागी न होण्याचा निर्णय घेतला आहे. दरम्यान, येत्या दोन दिवसात जिल्हा कार्यकारणी व तालुका पदाधिकाऱ्यांशी चर्चा करून पुढील निर्णय घेतला जाईल, असा इशारा जिल्हाध्यक्ष मनोजकुमार तपासे यांनी दिला आहे.

कार्यक्रमात पदाधिकाऱ्यांना बोलण्याची संधी दिली नाही आणि प्रदेश उपाध्यक्ष दादासाहेब साठे व जिल्हा अध्यक्षांसह इतर पदाधिकारी उपस्थित होते. त्यांचा नामोल्लेख टाळून इतर संघटनांचा आवर्जुन नामोल्लेख करण्यात आला. एका बाजूला आम्ही कार्यकर्ते कॉंग्रेसशी जोडण्यासाठी अहोरात्र झटत असताना अशा प्रकारची वागणूक मिळणे संतापजनक असल्याचे तपासे यांनी सांगितले.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)