हिंगोलीत जावयाकडून मेव्हण्याची हत्या

हिंगोली: हिंगोली जिल्ह्यातील सेनगाव येथे जावयाने मेव्हण्याच्या डोक्‍यात खलबत्ता घालून निर्घृण खून केल्याची धक्कादायक घटना घडली. मन्मथ महाजन असे मृताचे नाव आहे. ही घटना मंगळवारी मध्यरात्री दीड वाजण्याच्या सुमारास घडली.

किरकोळ कारणावरुन भांडण झाल्याने पत्नी माहेरी निघून गेली. तेव्हा बायकोला घेऊन जाण्यासाठी पती राजू आवटे सासरी आला होता. यावेळी मुलीला नेहमीच होत असलेल्या त्रासाला कंटाळून पतीसोबत पाठवण्यासाठी माहेरच्यांनी नकार दिला. त्यामुळे पती आणि पत्नीमध्ये भांडण झाले.

-Ads-
दैनिक प्रभातचे फेसबुक पेज लाईक करा

त्यानंतर घरातील सर्वजण झोपले असताना मध्यरात्रीच्या सुमारास राजू याने सासू व मेव्हणा याला जोरदार मारहाण केली. या मारहाणीत मन्मथ याच्या डोक्‍यात खलबत्ता घालून राजू पसार झाला. या हल्ल्यात मन्मथ गंभीर जखमी झाले. त्यांना उपचारासाठी तातडीने रुग्णालयात घेऊन जात असतानाच त्यांचा मृत्यू झाला. या बाबतची माहिती मिळताच पोलिसांनी घटनास्थळी धाव घेत पंचनामा केला.


‘प्रभात’चे फेसबुक पेज लाईक करा


ताज्या बातम्यांसाठी प्रभातचे मोबाईल अॅप डाऊनलोड करा

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)