अमेरिकेत जोरदार बर्फवृष्टी-तापमान -70 पर्यंत जाण्याचा इशारा

वॉशिंग्टन (अमेरिका) : अमेरिकेतील दहा राज्यांमध्ये जोरदार बर्फवृष्टी होत असून तापमान उणे 20 अंश सेल्सियसपर्यंत कमी झाले आहे. शिकागो नदी गोठून गेली आहे. हवामान खात्याने तापमान उणे 70अंश सेल्सियस पर्यंत कमी होण्याचा इशारा दिला आहे. इलिनॉय, आयोवा, मिनेसोटा, उत्तर डाकोटा, दक्षिण डाकोटा, विस्कॉन्सिन, कन्सास, मिसोरी आणि मोटाना येथे कडाक्‍याची थंडी आहे. 6 राज्यातील टपाल सेवा बंद करण्यात आलेली आहे.

शिकागोची स्थिती सर्वात वाईट झालेली आहे. येथील तापमान उणे 27 पर्यंत कमी झाले आहे. ते आणखी कमी होणाची शक्‍यता हवामान खात्याने वर्तवली आहे. खराब हवामानामुळे 2700 विमान उड्डाणे रद्द करण्यात आलेली आहेत यापैकी 1500 विमाने शिकागोहून उड्डाण करणार होती वा तेथे उतरणार होती.

-Ads-
दैनिक प्रभातचे फेसबुक पेज लाईक करा

अमेरिकेतील 72 टक्के लोकांना येत्या काही दिवसात शून्यापेक्षा कमी तापमानाला सामोरे जावे लागणार आहे. आणि 25 टक्के लोकांना शून्याच्या आसपास तापमान सोसावे लागणार आहे. बहुतेक दुकाने बंद ठेवण्यात आली आहेत. मात्र किराणामालाची दुकाने आणि पेट्रोल पंप चालू ठेवण्याचे आवाहन सरकारने केले आहे.
ही अमेरिकेतीक ऐतिहासिक थंडी असल्याचे सांगण्यात आले आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)