#HBD काजोल देवगणचा आज वाढदिवस…!!!

काजोल बॉलिवूडमधील सर्वात प्रसिद्ध व्यक्तींपैकी एक आहे. काजोलने आजपर्यंत ६ फिल्मफेअर पुरस्कार जिंकले असून २०११ साली भारत सरकारने काजोलला पद्मश्री पुरस्कार देऊन गौरवले. काजोल आज आपला ४४वा वाढदिवस साजरा करत आहे.

१९९२ सालच्या ‘बेखुदी’ ह्या चित्रपटामधून काजोलने बॉलिवूडमध्ये पदार्पण केले. १९९३ साली शाहरूख खानसोबतचा ‘बाजीगर’ हा तिचा दुसरा चित्रपट प्रचंड यशस्वी झाला. त्यानंतर १९९५ साली आदित्य चोप्राने आपल्या ‘दिलवाले दुल्हनिया ले जायेंगे’ ह्या चित्रपटामध्ये काजोलला आघाडीची भूमिका दिली. ह्या चित्रपटाच्या तुफान यशामुळे काजोल यशाच्या व कीर्तीच्या शिखरावर पोचली. त्यानंतर करण जोहरने काजोल व शाहरूख खान या जोडीसोबत अनेक यशस्वी चित्रपट काढले.

काजोलने आज तिच्या वाढदिवसानिमित्त ‘हेलीकॉप्टर ईला’ या चित्रपटाचा ट्रेलर लॉन्च केला आहे.

अनेक दिग्गज अभिनेते, दिग्दर्शकांनी काजोलला वाढदिवसाच्या शुभेच्छा दिल्या आहेत.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)