कपील शर्माच्या चाहत्यांसाठी खूशखबर 

हिंदी टेलिव्हिजनवरील “कॉमेडी किंग’ अशी ओळख असणारा कपिल शर्मा अखेर आपल्या चाहत्यांसाठी एक खुशखबर घेऊन येत आहे. कपिल लवकरच टेलिव्हिजनवर पहिल्यासारख कॉमेडी करत लोकांना हसविताना दिसणार आहे. कपिल शर्मा याने आपल्या अधिकृत ट्‌विटर अकाउंटवर ट्‌विट करत ही माहिती दिली आहे.
मागील काही महिन्यांपासून कपिल शर्मा हा मानसिकरित्या ठिक नसल्याने टेलिव्हिजनपासून दूर होता. मात्र आता त्याने टेलिव्हिजनवर पुर्नागमन करत असल्याचे सांगितले आहे. कपिल याने ट्‌विट करताना म्हटले आहे की, लवकरच परत येत आहे. “द कपिल शर्मा शो’ घेऊन तुमच्यासाठी. फक्त सोनी टीव्हीवर.
या ट्‌विटला अनेक चाहत्यासोबत बी-टाऊनमधील अनेक सेलिब्रिटींनी सुध्दा त्याचे पुर्नागमन होत असल्याने आनंद व्यक्त केला आहे. त्याच्या ट्‌विटला रिप्लाय केला आहे. प्रसिध्द निर्माती एकता कपूर हिने “सूपर’ असे लिहून कपीलला रिप्लाय दिला आहे.
त्याच्या शोमध्ये लल्लीची भूमिका करणारी प्रसिध्द भारती सिंह हिने “लवकर ये’ असे म्हटले आहे. यासह अनेक जणांनी कपिल शर्माला त्याच्या पुर्नागमनाबाबत शुभेच्छा दिल्या आहेत.

‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry
-Ads-

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)