संडे स्पेशल – खा, प्या, मजा करा : गोवा कार्निव्हलमध्ये

-अश्विनी जगताप-घाडगे

भरपूर सूर्यप्रकाश, पांढरी गुळगुळीत रेती आणि विस्तीर्ण मनमोहक समुद्रकिनारे… साहजिकच आपल्यापैकी बऱ्याच जणांना या या मा या या’ गोव्याची आठवण झाली असेल. दिवसभर फिरून, बेधुंद नाचून आपल्या आयुष्यातील थकवा इथे निघून जाऊन मन प्रसन्न होणारे ठिकाण म्हणजे गोवा’. गोव्यात अशीही पर्यटकांची गर्दी कधी कमी नसतेच, परंतु गोवा कार्निव्हलच्या वेळेस तर ती ओसंडून वाहत असते.

किमान 500 हूनही अधिक वर्षांचा इतिहास असलेल्या या कार्निव्हलला फक्‍त भारतातूनच नव्हे तर सातासमुद्रापलीकडून पर्यटक आवर्जून हजेरी लावतात. कार्निव्हल आला की, गोव्यात किंग मोमोची राजवट सुरू होते. खा.. प्या … मजा करा.. असा संदेश देणारा किंग मोमो पणजीत अवतरतो. या वर्षी दिनांक 2 ते 5 मार्चमध्ये हा कार्निव्हल पार पडला. पर्यटन मंत्री, आजगांवकर यांच्या हस्ते फेस्टिव्हलचे उद्‌घाटन करण्यात आले. वार्षिक स्वरूपात साजरा केला जाणारा गोवा कार्निव्हल हा गोव्याच्या संस्कृतीचा आणि परंपरेचा विविधरंगी उत्सव आहे. भडक व दिखाऊ पोशाखातील गायक, नर्तक व कलाकारांचा समावेश असलेल्या रंगबेरंगी मिरवणुका रस्त्यावरून चालल्या असताना उत्सवी वातावरण तयार होते.

-Ads-

संगीत, नृत्य, मनोरंजन आणि चित्ररथ हे कार्निव्हलचे वैशिष्ट्य आहे आणि यासह काही लहान नाटके आहेत, जी गोव्याची परंपरा व संस्कृती अतिशय सुंदरतेने चित्रित करतात. चित्ररथ फक्त शोभिवंत नसून त्याद्वारे पर्यावरण संवर्धन, सागरी संवर्धन, वाहतुकीचे नियम, पारंपरिक व्यवसाय अशा महत्त्वपूर्ण सामाजिक बाबींवर भर देऊन जनजागृती करण्याचा प्रयत्न करण्यात आलेला दिसला. संपूर्ण गोवा/पणजी शहर 3 ते 4 दिवस चालणाऱ्या ह्या उत्सवासाठी 3 ते 4 महिने आधीपासून तयारी करत असते.

ठेका धरायला लावणारे रमणीय संगीत, लज्जत वाढवणारी वाईन आणि तोंडाला पाणी आणणारे चमचमीत खाद्यपदार्थ या तिघांचा मिलाप आपल्याला गोव्यातच मनसोक्‍त उपभोगता येतो. लॅंटच्या महिन्याआधी ते आयोजित केले जाते जेव्हा लोकांना मांस खाण्यापासून स्वत:ला पूर्णपणे बाजूला ठेवावे लागते. फॅट शनिवारी संध्याकाळी भव्य जुलूस सुरू झाल्यापासून परेडचे नेतृत्व किंग मोमो करतो. जे नर्तक, बॅंड, विनोद, ऍक्रोबॅट्‌स आणि इतर मनोरंजन करणाऱ्या त्यांच्या सोबत्यांबरोबर राज्यभर आनंदाचे संदेश पसरवितात.

गोव्याची राजधानी पणजीच्या मुख्य रस्त्यावरून परेड सुरु होते. अंतहीन गाईटी सारख्या काही तासांनंतर विश्रांती घेण्यासाठी लाल आणि काळा नृत्यांसह उत्सव संपतो, जेथे लाल व काळ्या रंगाच्या कपड्यातील स्त्रिया व पुरुष या उत्सवाची सांगता करतात. लॅंटचा महिना सुरू झाल्यावर ऐश बुधवारी कार्निवलचा शेवटचा दिवस असतो. लक्षात घेण्यासारखी गोष्ट म्हणजे मेजवानी हा उत्सवांचा एक मोठा भाग आहे आणि म्हणूनच या खाद्यपदार्थांमध्ये काही सर्वोत्तम प्रकारचे व्यंजन, पेय आणि मद्य चाखण्याची इच्छा आहे त्यांनी अवश्‍य गोवा कार्निव्हलला भेट द्या व जीवाचा गोवा करा .

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)