चाकूचा धाक दाखवून मुलीचा विनयभंग; तिघांवर गुन्हा

सातारा- सातारा परिसरातील एका दहावीतील शाळकरी मुलीची वारंवार छेड काढल्याप्रकरणी गुन्हा दाखल झाला आहे. याप्रकरणी तिघांवर शाहूपुरी पोलिस ठाण्यात गुन्हा दाखल करण्यात आला आहे. संशयितामध्ये अल्पवयीन मुलाचा समावेश असून चाकूचा धाक दाखवून विनयभंग केला असल्याचेही तक्रारीत म्हटले आहे.

करण भिसे (पूर्ण नाव, पत्ता समजू शकला नाही) निलेश साळवेकर (रा. दत्त कॉलनी करंजे)व एक अल्पवयीन असा तिघांवर गुन्हा दाखल झाला आहे. याप्रकरणी पीडित मुलीच्या आईने पोलिस ठाण्यात तक्रार दिली आहे.पोलिसांनी दिलेली माहिती अशी, संशयित तिघेजण शाळकरी मुलीला गेल्या एक वर्षापासून त्रास देत आहेत. वारंवार पाठलाग करणे, दमदाटी करणे असे प्रकार सुरू असतानाच एकदा धारदार चाकूचा धाक दाखवून विनयभंगही केला. अखेर पीडित मुलीने घटनेबाबत आईला सांगितले. त्यानुसार मुलीच्या आईने पोलिस ठाण्यात जाऊन तक्रार दिली.दाखल तक्रारीचा तपास स.पो.नि किर्दत करत आहेत.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)