श्रीनगर – जम्मू-काश्मीरच्या शोपियान जिल्ह्यात सुरक्षा दलाला चार दहशतवाद्यांना कंठस्नान घालण्यात यश आले आहे. शौकत अहमद, अहमद खांडे, सुहैल युसूफ आणि रफी हसन मीर अशी दहशतवाद्यांची नावे आहेत. ते कोणत्या संघटनेचे आहेत हे अद्याप समजू शकलेलं नाही.
दक्षिण काश्मीरातील शोपियाच्या दारमदोरा परिसरात दहशतवादी लपून बसल्याची माहिती सुरक्षा दलांना मिळाली होती. त्यानंतर या भागात शोधमोहीम राबवण्यात आली. दहशतवाद्यांचा माग काढताना दहशवाद्यांनी सुरक्षा दलांवर गोळीबार सुरू केला. या गोळीबाराला प्रत्युत्तर देऊन सुरक्षा दलांनी चार दहशतवाद्यांना कंठस्नान घातले. दरम्यान, शनिवारपासून या भागात चकमक सुरू आहे.
Shopian encounter #UPDATE: A total of four terrorists have been killed by security forces.Arms and ammunition recovered. Operation continues #jammukashmir pic.twitter.com/YlAGpCVbPO
— ANI (@ANI) June 23, 2019