पुलवजा बंधाऱ्यांमुळे महाराष्ट्राचे चित्र पालटणार 

नितीन गडकरी : महाराष्ट्राला 10 राष्ट्रीय जल पुरस्कार प्रदान

नवी दिल्ली – महाराष्ट्राने संपूर्ण राज्यात 170 पुलवजा बंधारे बांधण्याचा महत्वाकांक्षी उपक्रम हाती घेतला. या कामांमुळे महाराष्ट्राचे दुष्काळी चित्र पालटणार आहे, असा विश्वास केंद्रीय जलसंपदा मंत्री नितीन गडकरी यांनी आज राष्ट्रीय जल पुरस्कार वितरण समारंभात व्यक्त केला.

जलयुक्त शिवार योजनेतून जलसंधारण क्षेत्रात उल्लेखनीय कार्य केल्याबद्दल महाराष्ट्राला पहिला राष्ट्रीय जल पुरस्कार गडकरी यांच्या हस्ते प्रदान करण्यात आला. हा पुरस्कार जलसंपदा आणि जलसंधारण मंत्री गिरीश महाजन, जलसंवर्धन व राजशिष्टाचार मंत्री प्रा. राम शिंदे, कामगार मंत्री संभाजी पाटील-निलंगेकर यांनी स्वीकारला. यावेळी केंद्रीय जलसंपदा राज्यमंत्री अर्जुन राम मेघवाल, केंद्रीय जलसंसाधन सचिव यु.पी. सिंह उपस्थित होते.

-Ads-
दैनिक प्रभातचे फेसबुक पेज लाईक करा

गडकरी म्हणाले, पाण्याचा अचूक वापर व योग्य नियोजन महत्त्वाचे बनले असून पाण्याच्या नियोजनावरच देशाचा विकास अवलंबून आहे. जलसंधारण क्षेत्रात जनजागृती करण्याच्या उद्देशाने जल पुरस्काराची सुरवात करण्यात आली आहे. महाराष्ट्रामध्ये जलसंधारण क्षेत्रात विविध उपक्रम हाती घेण्यात आले आहे. महाराष्ट्रातील शेतकरी आत्महत्याग्रस्त जिल्ह्यात राज्य शासनाने जलयुक्त शिवार योजनेच्या माध्यमातून केलेल्या कामामुळे या भागात पाण्याचे साठे निर्माण झाले आहेत. राज्य सरकारने तयार केलेली बळीराजा योजनाही शेतक-यांच्या हिताची ठरत आहे.

देशपातळीवरील पहिल्या राष्ट्रीय जल पुरस्कारासह महाराष्ट्राला विविध श्रेणींमध्ये 9 पुरस्कार प्रदान करण्यात आले. यामध्ये अहमदनगर, लातूर, बीड, वर्धा या जिल्ह्यांनी उल्लेखनीय कामगिरी केली आहे. महाराष्ट्र जलसंपत्ती नियमन प्राधिकरण देशात अव्वल राज्यातील महाराष्ट्र जलसंपत्ती नियमन प्राधिकरण देशात सर्वोत्तम ठरले आहे. प्राधिकरणाला उल्लेखनीय कामासाठी सर्वोत्तम पुरस्कारने गौरविण्यात आले. प्राधिकरणाचे अध्यक्ष के. पी. बक्षी यांनी हा पुरस्कार स्वीकारला. जलसंधारणातील सर्वोत्कृष्ट संशोधन, कल्पना व नवतंत्रज्ञानाचा प्रभावी उपयोगासाठी वर्धा येथील सद्भावना ग्रामीण विकास संस्थेला तिस-या क्रमांकाच्या पुरस्काराने गौरविण्यात आले. संस्थेचे प्रमुख मिंलीद भगत यांनी हा पुरस्कार स्वीकारला

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)