पिंपरी : आयपीएल सामन्यांवर सट्टा, चौघांना अटक

पिंपरी, दि. 30 (प्रतिनिधी) -आयपीएल सामन्यावर बेटींग घेणाऱ्या चार जणांना पोलिसांनी अटक केली आहे. वाकड परिसरातूनअटक करण्यात आलेल्या आरोपींमध्ये एका महाराष्ट्र राज्य विद्युत वितरण कंपनीच्या कर्मचाऱ्याचाही समावेश आहे.

विशाल राजू अग्रवाल (वय 20 रा. पिंपरी), अनिल आदेश कृपलानी (वय- 31 रा. साईचौक, पिंपरी), दिनेश पैलाजराय बदलानी (वय-32, रा. काळेवाडी), राहुल तुकाराम कवाष्टे (वय-42 रा. पिंपळे गुरव) असे अटक करण्यात आलेल्यांची नावे आहेत. राहुल कवाष्टे हा महाराष्ट्र राज्य विद्युत वितरण कंपनीमध्ये रोखपाल म्हणून काम करतो.

वाकड परिसरातील सिद्धीविनायक अपार्टमेंटमध्ये आयपीएल क्रिकेट सामन्यावर बेटींग घेण्यात येत असल्याची माहिती खंडणी विरोधी पथकातील शैलेश सुर्वे व आशिष बोटके यांना मिळाली. मिळालेल्या माहितीच्या आधारे पोलिसांनी सिद्धीविनायक अपार्टमेंटमधील फ्लॅट नंबर 201 येथे छापा टाकला. यावेळी आयपीएल क्रिकेट सामन्यावर बेटींग घेताना चौघाना अटक करण्यात आली. त्यांच्याकडून एलईडी टीव्ही, सेट टॉप बॉक्‍स, 13 मोबाईल, लॅपटॉप, असा एकूणच 1 लाख 64 हजार 155 रुपयांचा मुद्देमाल जप्त करण्यात आला आहे.

ही कारवाई पोलीस आयुक्‍त आर.के. पद्मनाभन, अप्पर पोलीस आयुक्‍त मकरंद रानडे, सहायक पोलीस आयुक्‍त सतीश पाटील यांच्या मार्गदर्शनाखाली खंडणी विरोधी पथकाचे वरिष्ठ पोलीस निरीक्षक सुधीर अस्पत, उपनिरीक्षक शरद आहेर, कर्मचारी राजेंद्र शिंदे, शैलेश सुर्वे, विक्रांत गायकवाड, आशिष बोटके, प्रविण कांबळे, आशिष बनकर, गणेश कोकणे, शरीफ मुलाणी यांनी केली.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)