पिंपरी : वाढदिवस साजरा; पदाधिकाऱ्यावर गुन्हा

पिंपरी  -रस्त्यावर फटाके फोडून वाढदिवस साजरा करणारे माजी नगरसेवक तसेच भाजपचे प्रदेश संगठन महामंत्री धनराज बिरदा यांच्यावर वाकड पोलीस ठाण्यात गुन्हा दाखल कऱण्यात आला आहे. याप्रकरणी पोलीस नाईक पी. ए. करे यांनी फिर्याद दिली असून धनराज बिरदा व त्याच्या 15 कार्यकर्त्यांवर गुन्हा दाखल कऱण्यात आला आहे.

धनराज बिरदा यांच्या वाढदिवसानिमित्त त्यांच्या वाकड येथील घरासमोर शुक्रवारी (दि.22) रात्री साडे दहा वाजता रस्त्यावर फटाके फोडून वाढदिवस साजरा करण्यात येत होता. यावेळी त्यांचे 15 कार्यकर्ते हजर होते. त्यांनी यावेळी गोंधळ घालत शांततेचा भंग केला. पोलीस आयुक्त आर. के. पद्मनाभन यांनी मध्यंतरी रस्त्यावर वाढदिवस साजरे करुन शांतता भग करणाऱ्यांवर कडक कारवाई करण्याबाबतचे आदेश काढले होते. त्यानुसार ही कारवाई करण्यात आली.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)