पुणे – अमित जगताप मित्र परिवार आयोजित चॅम्पियन्स ट्रॉफी टी-20 क्रिकेट स्पर्धेत टेक महिंद्रा, सीबीएसएल या संघांनी आपापल्या प्रतिस्पर्ध्यावर मात केली. पिंपरी-चिंचवड येथील टेल्को मैदानावर नुकत्याच या लढती झाल्या. टेक महिंद्रा संघाने एलटीआय संघावर 41 धावांनी मात केली.
टेक महिंद्राने प्रथम फलंदाजी करताना 5 बाद 155 धावा केल्या. यात रजत भट्टलवारने 44 चेंडूंत 49, तर विनीत पाठकने 27 चेंडूंत 33 धावा केल्या. लक्ष्याचा पाठलाग करताना एलटीआय पुणे संघाचा डाव 19.4 षटकांत 114 धावांत आटोपला. यात शुभम कुकडे अणि सचिन कुलकर्णी यांनी प्रत्येकी तीन बळी मिळवले.
दुसऱ्या लढतीत सीबीएसएल संघाने स्प्रिंगर नेचर संघावर 8 गडी राखून सहज मात केली. स्प्रिंगर नेचर संघाने प्रथम फलंदाजी करताना 6 बाद 145 धावा केल्या. यात निराशाजनक सुरुवातीनंतर मधल्या फळीतील राहुल नागडे याने 25 चेंडूंत 5 चौकार व एक षटकारासह नाबाद 45 धावा करून संघाला दीडशे धावांच्या जवळपास पोहोचविले.
सीबीएसएल संघाने विजयी लक्ष्य 17 षटकांत 2 गड्यांच्या मोबदल्यात सहज साध्य केले. यात केतन घाटगेने 52 चेंडूंत 7 चौकारांसह नाबाद 57 धावा केल्या. मनीष शेझवालने 35 चेंडूंत 39 धावा करून त्याला चांगली साथ दिली. या जोडीने 77 धावांची सलामी देऊन विजयाचा पाया रचला.
संक्षिप्त धावफलक –
टेक महिंद्रा – 20 षटकांत 5 बाद 155 (रजत भट्टलवार 49, विनीत पाठक 33, शुभम कुकडे 23, शुभम शर्मा 2-18, कुणाल खंडागळे 1-19, डिंकू मालविया 1-26, साहिल कुंदन 1-24) वि. वि. एलटीआय पुणे – 19.4 षटकांत सर्वबाद 114. (सिद्धार्थ ठाकूर 24, सचिन सोनावणे 17, शुभम शर्मा 16, डिंकू मालविया 14, शुभम कुकडे 3-24, सचिन कुलकर्णी 3-21, रजत भट्टलवार 2-14). सामनावीर – रजत भट्टलवार
स्प्रिंगर नेचर – 20 षटकांत 6 बाद 145 (राहुल नागडे नाबाद 45, वैभव घनवट 20, प्रमोद मोडक 15, अमित उपाध्याय 14, गणेश जी. 2-22, निखिल जोशी 2-37) पराभूत वि. सीबीएसएल – षटकांत बाद (केतन घाटगे नाबाद 57, मनीष शेझवाल 39, निखिल जोशी 16, तनीष टस्कर नाबाद 14, जयप्रकाश शिरोळे 1-33) सामनावीर – केतन घाटगे