भाजपचं ‘नमो टीव्ही’ चॅनल बंद

नवी दिल्ली – निवडणूक आचार संहिता लागू झाल्यानंतर केवळ भाजप आणि मोदींचा एकतर्फी प्रचार करण्यासाठी ‘नमो टीव्ही’ चॅनल ही दूरचित्रवाणी वाहिनी सुरू करण्यात आली होती. या वाहिनीला मोदींचेच नाव देण्यात आले असून त्याच्या लोगोवरही केवळ मोदींचाच फोटो वापरण्यात आला होता. मात्र, आता 17 मे रोजी लोकसभा निवडणुकीच्या प्रचार तोफा थंडावल्यानंतर भाजपचं हेच चॅनल ‘नमो टीव्ही’ बंद झाल आहे. निवडणुकीदरम्यान भाजपला या चॅनलचा मोठ्या प्रमाणात फायदा झाला होता.

देशातील सर्व डीटीएच कंपन्यांकडून या वाहिनीचे प्रसारण सुरू करण्यात आले होते. माहिती आणि प्रसारण मंत्रालयाच्या वेबसाईटवर देशात अधिकृतपणे मंजूर करण्यात आलेल्या खासगी वाहिन्यांच्या नावाची यादी प्रसिद्ध करण्यात आली होती. पण या यादीत नमो वाहिनीचे नाव नसल्यामुळे अनेक राजकीय पक्षांनी या संदर्भात निवडणूक आयोगाकडे तक्रार केली होती.

-Ads-
दैनिक प्रभातचे फेसबुक पेज लाईक करा

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)