आर्थिक गैरव्यवहारप्रकरणी सहा जणांवर चार्जशीट दाखल

जम्मू – जम्मू-काश्‍मीर क्राईम ब्रांचच्या पोलिसांनी शनिवारी आर्थिक फसवणूक केल्याप्रकरणी सहा जणांवर चार्जशीट दाखल केली आहे. हा प्रकार पूंछ जिल्ह्यात उघडकीस आला होता. त्यांना न्यायालयात हजर करण्यात आले असता न्यायालयीन कोठडी सुनाविण्यात आली आहे.

याप्रकरणी तारीक मेहबुब, त्याची पत्नी शाझीया कौसर, जफ्फार इकबाल, झहीर अब्बास, इम्तियाज अहमद आणि मुर्तझा अहमद यांच्यावर गुन्हा दाखल करण्यात आला आहे.
पूँछ येथे सर्व आरोपिंनी “हबल्स-ए कॉमर्स प्रा. लि.’ची बेकायदेशीररित्या बॅंकेची स्थापना केली होती. या बॅंकेच्या माध्यमातून त्यांनी राजौरी आणि पूँछ जिल्ह्यातील अनेक नागरिकांच्या लाखो रुपयांच्या ठेवी जमा केल्या होत्या. त्यानंतर सर्व आरोपिंनी पोबारा केला होता. आपली फसवणूक झाल्याचे लक्षात आल्यानंतर नागरिकांनी मेंधर पोलीस ठाण्यात तक्रार दिली होती. हे प्रकरण क्राईम ब्रॉंचकडे तपासणीसाठी पाठविण्यात आले होते.

क्राईम ब्रॉंचने चौकशी करत सर्व आरोपिंना जेरबंद केले. या आरोपिंकडून दिड कोटी रुपयांची रोख रक्‍कम आणि 8 दुकाने जप्त करण्यात आले आहेत. तसेच आरोपींचे बॅंक खातेही सील करण्यात आले आहेत.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)