वाचा काय म्हणाले भाजपचे खासदार #MeToo मोहिमेबाबत

अभिनेत्री तनुश्री दत्ताने जेष्ठ अभिनेते नाना पाटेकर यांच्यावर ‘१० वर्षांपूर्वी आपल्याबरोबर अश्लील वर्तणूक केल्याचा’ आरोप केल्याने एकच खळबळ उडाली होती. हे प्रकरण ताजे असतानाच आता देशभरातून अनेक अभिनेत्र्यांनी व इतर क्षेत्रात काम करणाऱ्या महिलांनी आपण देखील कशा प्रकारे लैंगिक अत्याचारांचे बळी ठरलो होतो याबाबत सोशल मीडियावरून व्यक्त होयला सुरुवात केली आहे. आता #MeToo या मोहिमेबाबत  भाजपाचे खासदार उदित राज यांनी आपले मत मांडले आहे.

उदित राज यांनी आपल्या अधिकृत ट्विटर अकाउंट वरून भारतातील #MeToo मोहिमेला ज्या पद्धतीने सुरुवात झाली आहे त्यास आपला विरोध असल्याचे स्पष्ट केले आहे. याबाबत उदित राज लिहतात की “#MeToo मोहीम नक्कीच गरजेची आहे मात्र जर अशा प्रकारे कोणी दहा वर्षांनंतर तक्रार करणार असेल तर त्या घटनेची चौकशी कशी केली जाणार? तसेच जर कोणी एखाद्या पुरुषावर अशा प्रकारचे खोटारडा आरोप लावले तर त्याच्या प्रतिमेस किती मोठ्या प्रमाणात ठेच पोहचेल याचा विचार करणे देखील गरजेचे आहे. भारतात #MeToo मोहिमेस पडलेला पायंडा हा चुकीचा आहे.”

संबंधित बातम्या


नाना पाटेकर यांना महिला आयोगाची नोटीस ; पोलिसांकडूनही मागितला अहवाल


तनुश्री दत्ता -नाना पाटेकर यांच्या प्रकरणावर असा घेतला शक्ती कपूरने ‘चिमटा’


विनयभंगाच्या 12 वर्षे जुन्या प्रकरणाने कैलास खेर अडचणीत 

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)