बॅडमिंटन स्पर्धा: स्वान्सचा धुव्वा उडवीत किंगफिशरची उपान्त्य फेरीत धडक

सहावी पीवायसी-ट्रूस्पेस करंडक बॅडमिंटन साखळी स्पर्धा

पुणे:किंगफिशर संघाने स्वान्स संघाचा एकतर्फी पराभव करताना सहाव्या पीवायसी-ट्रूस्पेस करंडक बॅडमिंटन साखळी स्पर्धेत उपान्त्य फेरीत प्रवेश केला. पीवायसी हिंदू जिमखाना यांच्या वतीने ही स्पर्धा आयोजित करण्यात आली आहे.

-Ads-

पीवायसी हिंदू जिमखाना येथील बॅडमिंटन कोर्टवर सुरू असलेल्या या स्पर्धेतील गटसाखळी फेरीत किंगफिशर संघाने स्वान्स संघाचा 5-2 असा पराभव करताना उपान्त्य फेरीत धडक मारली. तन्मय चोभे, मिहिर विंझे, करण पाटील, गायत्री गर्तक, अद्वैत जोशी, संतोष पाटील, अभिषेक ताम्हाणे व अनया तुळपुळे यांनी उत्कृष्ट खेळाचे प्रदर्शन करताना किंगफिशर संघाला विजय मिळवून दिला.
आजच्या अन्य साखळी लढतींमध्ये कॉमेट्‌स संघाने स्पुटनिक्‍सवर 4-3 असा रोमांचकारी विजय मिळविला. सुधांशू मेडशीकर व पराग चोपडा, तसेच हर्षवर्धन आपटे व विनित रुकारी यांनी कॉमेट्‌सच्या विजयात मोलाचा वाटा उचलला. तर बलाढ्य हॉक्‍स संघाने रावेन्सचा 5-2 असा दणदणीत पराभव करताना उपान्त्य फेरीसाठी आपले आव्हान कायम राखले. सुमेध शहा व दीपा खरे, तसेच अश्विन शहा व अमर श्रॉफ यांनी हॉक्‍सच्या विजयात महत्त्वाची कामगिरी बजावली.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)