आता बॅटवरील स्टीकरच सांगणार कामगिरीची आकडेवारी

मायक्रोसॉफ्टच्या सहकार्याने अनिल कुंबळेंचे ‘स्मार्ट’ स्टार्ट-अप

मुंबई – क्रिकेटच्या बॅटचे नवनवीन प्रकार आपण ऐकले आहेत. मात्र आता “एआय पॉवर बॅट’ मैदानात बॅट्‌समनच्या हातात पाहवयास मिळणार आहे. याचा वापर नुकत्याच पार पडलेल्या ओव्हल मैदानातील सामन्यात करण्यात आला. क्रिकेटप्रमींना रिअल टाइम माहिती मिळण्याच्या उद्देशाने ही बॅट काम करणार आहे.

-Ads-

मायक्रोसॉफ्ट आणि अनिल कुंबळे यांच्या स्पेक्‍टाकॉम टेक्‍नॉलॉजीस या टेक्‍नॉलॉजी स्टार्टअपने ब्रॉडकॉस्ट भागीदार स्टार इंडियाच्या पाठिंब्याने एकत्र येत गुरुवारी पॉवर बॅटची घोषणा केली. ही बॅट कृत्रिम बुद्धीमत्ता (एआय) आणि इंटरनेट ऑफ थिंग्ज (आयओटी)वर आधारित आहे.

या मध्ये बॅटला एक हलके, मायक्रोसॉफ्टच्या अझुरे स्फेअरचलित स्टीकर बॅटच्या शोल्डरला लावले जाते. यामुळे खेळाडूला कोणत्याही प्रकारची अडचण येत नाही. लाइव्ह सामन्यात फलंदाजाने चेंडूला फटका मारताक्षणी वेग मर्यादा, त्याचा परिणाम, ट्‌विस्टचा परिणाम, शॉटचा दर्जा- बॅटवर ज्या ठिकाणी चेंडू लागला त्या आधारे स्क्रीनवर दिसतो. ही नोंद पॉवर स्पेक या नव्या मोजमाप एककात नोंदवली जाईल. ही माहिती सुरक्षितरित्या साठवली जात आहे आणि त्यावर योग्य प्रक्रिया होते आहे, याची खातरजमा मायक्रोसॉफ्टच्या अझुरे स्फेअरकडून केली जाईल.

अझुरेवरील आधुनिक विश्‍लेषण आणि एआय सेवांचा वापर करून स्टम्प बॉक्‍सच्या माध्यमातून प्रत्यक्ष माहिती गोळा केली जाईल आणि प्रसारकाच्या माध्यमातून ती झळकवली जाईल. सराव किंवा प्रशिक्षणाच्या काळातही मोबाइल ऍपच्या माध्यमातून ही माहिती पाहता येईल.

”सध्या एआय आणि आयओटीमुळे इतर उपकरणांचा कसा वापर होतो याचा अनुभव कंपनीने घेतला आहे यानंतर आता क्रिकेट क्षेत्रातही याचा वापर करून या खेळाचा अनुभव अधिक प्रभावी कसा करता येईल यासाठी आमचे प्रयत्न सुरू असल्याचे मायक्रोसॉफ्टचे कार्यकारी उपाध्यक्ष पेगी जॉनसन यांनी सांगितले”.

“प्रत्यक्ष खेळाच्या विश्‍लेषणासह विविध उत्सुकतापूर्ण माध्यमातून प्रेक्षकांचा सहभाग वाढवून त्यांना खेळाच्या अधिक उत्तम अनुभव देणे हे आमचे उद्दिष्ट आहे”, असे संघाचे माजी कर्णधार आणि स्पेक्‍टाकॉमचे संस्थापक अनिल कुंबळे यांनी सांगितले. हे तयार करत असताना यासाठी वापरण्यात येणारे तंत्रज्ञान सहज, उत्कृष्ट असेल आणि त्यामुळे खेळाडूंना कोणत्याही प्रकारचा अडथळा जाणवणार नाही याचा विशेष प्रयत्न केला आहे असेही ते म्हणाले.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)