#AirStrike : राहुल गांधींचा भारतीय हवाई दलाला सलाम 

नवी दिल्ली –  पुलवामा दहशतवादी हल्ल्याच्या पार्श्वभूमीवर भारताने आज पाकवर कारवाई केली आहे. भारतीय वायूसेनेच्या मिराज २००० या लढाऊ विमानांनी पहाटे साडेतीनच्या सुमारास पाकव्याप्त काश्मीरमध्ये घुसून जैश-ए-मोहम्मद या दहशतवादी संघटनेच्या तळावर १००० किलोग्रॅम वजनाचे बॉम्ब फेकले. यानंतर काँग्रेस अध्यक्ष राहुल गांधी यांनी ट्विटरवरून भारतीय हवाई दलाच्या वैमानिकांना सलाम केला आहे.

-Ads-
दैनिक प्रभातचे फेसबुक पेज लाईक करा

दरम्यान, १२ मिराज २००० लढाऊ विमानांनी दहशतवादी तळांवर हल्ला केला. यामध्ये जैश-ए-मोहम्मदची अल्फा ३ कंट्रोल रूम पूर्णपणे उद्धवस्त झाल्याचेही सांगितले जाते. तसेच  बालाकोट, चाकोथी आणि मुजफ्फरबाद लॉन्च पॅड पूर्णपणे नष्ट झाले. तर या हल्ल्यात जवळपास २००-३०० दहशतवादीही ठार झाल्याचे सांगण्यात आले आहे.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)