नवी दिल्ली: फिनलँड येथे जागतिक अॅथलेटिक्स चॅम्पियनशिपमध्ये सुवर्णपदक पटकावत हिमा दास देशातील तरुणाईची रोल मॉडल बनली आहे. हिमाने केवळ अॅथलेटिक्समध्येच नेत्रदीपक कामगिरी केलेली नाही तर आपल्या गावासाठीही तिने मोठी समाजसेवा केली आहे. तिने दारूबंदी व्हावी म्हणून गावातील दारूची दुकाने तोडून या आधीच नवा आदर्श निर्माण केला आहे.

आसामच्या ढिंग गावात हिमाने दारूबंदीसाठी स्वत: पुढाकार घेतला होता. ती वर्ल्ड क्लास अॅथलिट आहेच. शिवाय गावातील वाईट प्रथांविरोधात आवाज उठवून या आधीच सामाजिक जबाबदारीचं भानही दाखवून दिलं आहे, असं तिचे शेजारी सांगतात. ती काहीही करू शकते. चुकीच्या गोष्टींविरोधात बोलण्यास ती जराही घाबरत नाही.

ती आमच्यासाठी रोल मॉडल बनली आहे. आमच्यासाठी ती ‘ढिंग एक्सप्रेस’ आहे, असं तिच्या शेजाऱ्यांनी सांगितलं. गावातील लोकांनी दारूच्या व्यसनापासून दूर रहावं म्हणून तिनं गावातील दारूचे अड्डेच जमीनदोस्त केले आहेत. कुणालाही न घाबरता तिने हे काम केलं होतं, असं गावकरी म्हणाले.

हिमाच्या या कर्तबगारीवर तिचे वडील रंजीत दास प्रचंड खूष आहेत. तिच्या धाडसाचं त्यांना नेहमीच कुतुहूल वाटायचं. ‘ती पहाडा सारखी आहे. तिला ट्रेनने बाहेर पाठवताना मला खूप भीती वाटायची. पण तिच आम्हाला धीर द्यायची. तिच्या या धाडसामुळे मलाच प्रेरणा मिळायची,’ असं रंजीत दास सांगतात.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)